.

پاتشايىم بولعان «قانداي راقات!»

Lasius niger پاتشايىم جانىنداعى ەكى جۇمىسشى قۇمىرسقانىڭ وسۋىن تەجەي الادى.

اسىرەسە پاتشايىم قۇمىرسقا بولساڭ. جۇبىن جيى اۋىستىراتىن ولار يممۋندىق جۇيەسىن جىنىستىق قاتىناسقا تۇسۋ ارقىلى كۇشەيتىپ وتىرادى.

باكتەرييا نەمەسە ۆيرۋستىڭ ازداعان دوزاسىن جۇقتىرىپ العان اعزا كەلەشەكتە دال سول پاتوگەندى اعزاعا توتەپ بەرە الۋى كەرەك. مۇنى «يممۋندىق جادى» دەپ اتايدى. ومىرتقاسىزداردىڭ يممۋندىق جادىسىن زەرتتەۋ ۇشىن شۆەيتسارييالىق عالىمدار پانامالىق ارىپتەستەرىمەن بىرىگىپ ەكى جاندىكتىڭ تۇرىن تاڭداعان: 20 جىلدان استام ۋاقىت ومىر سۇرەتىن Lasius niger (تومەندە) جانە Formica selysi پاتشايىم قۇمىرسقالارى. ار توپتىڭ پاتشايىمدارى ەكى توپقا جىكتەلگەن: جاس ارى پاك «حانشايىمدار» جانە اتالىقپەن جۇپتاسىپ، «شاۋەتىن قالتاسىندا» ساقتاپ، وسى «قوردان» كوزى تىرىسىندە ون ميلليونداعان جۇمىرتقا باسىپ شىعاراتىن پاتشايىمدار.

عالىمدار جاندىكتەردى بىر اپتانىڭ ىشىندە جويىپ جىبەرە الاتىن ساڭىراۋقۇلاقتاردى وسىرىپ شىعاردى. ولار، الدىمەن، از دوزاسىن ار پاتشايىم قۇمىرسقاعا بەرىپ كوردى، ال بىر اپتادان سوڭ كۇشتى دوزاسىن بەردى. عالىمدار امان قالعاندارعا قاراپ، يممۋندىق جادى پروتسەسىنەن يممۋنيتەتىن كۇشەيتكەن جالعىز L.niger توبىنداعى جۇپتاسقان پاتشايىمدار ەكەنىن انىقتادى. قوس توپتا دا پاك حانشايىمدارعا قاراعاندا جۇپتاسقاندارى ساڭىراۋقۇلاق ۋىنا توتەپ بەرە العان.

زەرتتەۋ پاتشايىمنىڭ اتالىقتارمەن جۇپتاسۋى ونىڭ «يممۋندىق جۇيەسىن كۇشەيتكەنىن كورسەتكەن».

تارالۋ ايماعى

قارا باقشا قۇمىرسقاسى (Lasius niger) ەۋروپا، سولتۇستىك امەريكا مەن ازييانى مەكەندەيدى. ولاردىڭ يلەۋلەرىن كەز كەلگەن جەردەن كەزدەستىرۋگە بولادى.

باسقا دەرەكتەر

قارا باقشا قۇمىرسقالارى ازىق ىزدەپ سارسىلمايدى، وز ازىقتارىن وزدەرى وسىرەتىندىگىمەن ەرەكشەلەنەدى. ولار كوبىنە قۇمىرسقالار تۇتىناتىن «شىرە بال» دەپ اتالاتىن زاتتى بولەتىن بىتەلەرگە جاقىن جەرلەردى مەكەندەيدى. قۇمىرسقالار بىتەلەردى «انتەننالارىنىڭ» كومەگىمەن قۇلاتادى دا، بالدى «ساۋىپ الادى».

اۆتورى: پاتريسييا ەدموندس


ماقالانىڭ تولىق نۇسقاسى مەن الەمدىك زەرتتەۋلەردىڭ قاينار كوزىنە قول جەتكىزگىڭىز كەلسە، shopnationalgeographic.kz ارقىلى ونلاين جازىلىڭىز.

0
       

پىكىر جازۋ

كىرۋ
*
*
تىركەلۋ
*
*
*
جاڭا قۇپييا سوز