.

كيىكتەن وتكەن كيە جوق

اتىراۋداعى «BAIZAAR Mall» ويىن-ساۋىق ورتالىعىندا «National Geographic Qazaqstan» جۋرنالى مەن «كاسپيي قۇبىر كونسورتسيۋمى» اق بىرلەسكەن «ۇلى دالا كيەسى» اتتى فوتوكورمەسى اشىلدى.

شارانىڭ اشىلۋ راسىمىنە «كاسپيي قۇبىر كونسورتسيۋمى» اق باس ديرەكتورىنىڭ ورىنباسارى قايىرگەلدى قابىلدين، اتىراۋ وبلىسى اكىمىنىڭ ورىنباسارى، «نۇر وتان» پارتيياسى وبلىستىق فيليالىنىڭ باسشىلارى،  وبلىستىق ماسليحات دەپۋتاتتارى مەن مۇناي كومپانييالارىنىڭ وكىلدەر قاتىسادى.

كورمەنىڭ نەگىزگى ماقساتى – كوپشىلىك اراسىندا ەكولوگييالىق مادەنيەتتى قالىپتاستىرۋ، دالانىڭ اڭ-قۇستارى، ونىڭ ىشىندە قازاققا ەتەنە جاقىن كيىكتەر تۋرالى تۇرعىنداردىڭ تانىم كوكجيەگىن كەڭەيتۋگە جانە قورشاعان ورتانى قورعاۋ پروبلەمالارىنا قوعامنىڭ نازارىن اۋدارتۋ.

بۇل جايىندا ەلباسى نۇرسۇلتان نازارباەۆ استانادا وتكەن كەزەكتى ەكونوميكالىق فورۋمدا بىلاي دەگەن: «بۇگىندە قورشاعان ورتا بويىنشا كەشەندىك شارالار تىسقارى قالۋدا، ارينە جاھاندىق باستاما وتە ماڭىزدى، الايدا وزگە پروبلەمالار جەتەرلىك، ونىڭ ىشىندە جابايى جان-جانۋارلار الەمىن دە ۇمىتپاۋىمىز كەرەك»، – دەگەن ەدى.

قازاققا ەتەنە جاقىن وسى جانۋاردى قورعاۋ جانە ساقتاپ قالۋ ىسىندە «كاسپيي قۇبىر كونسورتسيۋمى» (كقق) قوسقان ۇلەسى زور. بۇل كومپانييا بوكەندەردى عارىشتان باقىلاۋعا مۇمكىندىك بەرەتىن 30 دانا قارعىباۋ ساتىپ الۋعا 2016 جىلى 21 ميلليون تەڭگە بولسە، وتكەن جىلدىڭ وزىندە تەك زەرتتەۋ جۇمىستارىنا 27 ميلليون تەڭگە قاراستىرعان. ودان بولەك كقق قازاقستان وز تاۋەلسىزدىگىن العالى بەرى ەل اۋماعىندا قۇنى 8 ميلليارد تەڭگەگە جۇزدەن اسا الەۋمەتتىك جوبانى قارجىلاندىرعان.

تاس داۋىرىندە باتىس ەۋروپاعا دەيىن تىرشىلىك ەتكەن سول جانۋار وسى كۇنى موڭعولييا، قالماق دالاسى مەن قازاقستاندا عانا ساقتالىپ قالعان. ولاردىڭ 90 پايىزى قازاق جەرىندە مەكەندەيدى. كيىكتەردىڭ تاعى بىر ەرەكشەلىگى – ەشقاشان جەتىم قالعان لاقتارىن دالاعا تاستامايدى. ال كەز كەلگەن كيىك جولىنان ماڭىراپ شىققان قۇرالايدى كەزدەستىرە قالسا، جانىنا بارىپ ەمىزىپ، وزىمەن ەرتىپ كەتەدى.

«قازاقستاندا بوكەندەردىڭ مەكەندەيتىنىن بۇرىننان بىلەمىز عوي. الايدا مىنا كورمەدەن كيىكتەردى وتە جاقىننان كورگەننەن كەيىن بە مۇلدە بولەك اسەردە قالدىم. ال ولار تۋرالى نەبىر قىزىق مالىمەتتەردى ەستىگەندە تاڭقالعانىمدى نەسىنە جاسىرايىن. راسىندا دا كيىكتەن وتكەن كيەلى اڭ جەر بەتىندە جوق پا دەپ قالدىم»، – دەدى زەينەتكەر راۋزا مۇراتقىزى.

شارا بارىسىندا كيىكتەر تۋرالى فوتوسۋرەتتەر جيىنتىعى كورسەتىلىپ، كونتسەرتتىك باعدارلاما ۇيىمداستىرىلدى.

كورمە اتالعان ويىن-ساۋىق ورتالىعىنىڭ بىرىنشى قاباتىندا 2019 جىلعى قاڭتاردىڭ 3-ىنە دەيىن وتەدى.

0
       

1 پىكىر جازىلعان

پىكىر جازۋ

كىرۋ
*
*
تىركەلۋ
*
*
*
جاڭا قۇپييا سوز