.

بەيبىتشىلىك زىمىرانى

YouTube جەلىسىندە «وزىڭ جاسا» اتتى جەكە عىلىمي كانالى بار گرانت تومپسون «تريپولي» زىمىران ۇيىمىنىڭ بلەك-روك شولىندەگى جىل سايىنعى ۇشىرۋلارىنان رەپورتاج بەرىپ تۇرعاندى ۇناتادى.

باسەكەسۇيگىش اۋەسقويلاردىڭ قولدان جاساعان قۇرىلعىلارى.

فەدەرالدى اۆياتسييا اكىمشىلىگى زىمىرانداردى 150 شاقىرىمعا دەيىن كوككە ۇشىرۋعا رۇقسات بەرگەن.

سولتۇستىك-باتىس نەۆادانىڭ كەۋىپ قالعان جازىعىنداعى ساعىم تىرشىلىكتىڭ كەز كەلگەن بەلگىسىن جوققا شىعارىپ تۇرعانداي. 2016 جىلدىڭ كۇزىندە فوتوگراف روبەرت ورمەرود بلەك-روك شولىندە سۋالعان كول تابانىنان زىمىران ۇشىرىپ كورمەك بولىپ، اۋەسقوي زىمىران ۇشىرۋشىلار اراسىندا وتكىزىلىپ تۇراتىن سايىسقا كەلەدى.

ماقسات – بارىنشا بيىككە شانشىلىپ، ارتىنان ىز تاستاپ سامعايتىن زىمىران جاساپ شىعارۋ.

1991 جىلى فەدەرالدى اۆياتسييا اكىمشىلىگى «تريپولي» زىمىران ۇيىمىنا جارىس كەزىندە راكەتالاردى 150 شاقىرىمعا دەيىن كوككە ۇشىرۋعا رۇقسات بەردى. بۇل – قولدان جاسالعان زىمىراندار ۇشىن قاۋىپسىز ارى زاڭدى تۇردە كوككە كوتەرىلەتىن جالعىز مۇمكىندىك. جىل سايىن 200 شاقتى اۋەسقوي وز ونەرتابىسىن سىناۋ ۇشىن وسىندا جينالادى. «تريپولي» بۇل شارانى «قاۋىپسىزدىك پەن قۇقىقتىق شەكتەۋلەرگە بايلانىستى جۇزەگە اسىرىلاتىن مەكەنى جارييالانبايتىن جوبالار الاڭى» دەپ اتايدى.

بىر قاتىسۋشى زىمىرانىنا GoPro كامەراسىن ورناتىپتى. ول روبەرتكە اۋەدە تۇسىرگەن سۋرەتتەرىن كورسەتتى. زىمىراندار بىر-بىرىنەن وتەدى. ەگەرمەيستەردىڭ بوتەلكەسىنە ۇقسايتىنى دا بار. باسقارۋ ورتالىعىندا كەرى ساناق جۇرگىزىلۋدە: 5،4،3،2،1. زىمىراندار كوككە سامعاپ بارىپ، جەرگە پاراشيۋتپەن قونىپ جاتىر.

13 جاستاعى دجەيك ۆارشاۆسكيي، 16 جاستاعى لەيف يۋرۆەتسون سەكىلدى اۋەسقويلار 1991 جىلدان بەرى بلەك-روك شولىندە جولىعىپ، وزدەرى جاساعان قۇرىلعىلارىن زەڭگىر اسپانعا ۇشىرادى.

«عارىشقا اڭسارى اۋعانداردىڭ ارمانىن قالاي جۇزەگە اسىرۋعا بولادى؟» – دەيدى ورمەرود. بۇعان تۋعان جەرى – شوتلاندييانىڭ زىمىران ۇشىرۋ الاڭى جاۋاپ! ولار وزدەرىنىڭ جۇلدىزارالىق ارماندارىنا جەردە دە قول جەتكىزە الادى ەكەن. كوپ ۇزاماي ول مارستى مودەلدەۋ جوباسىنىڭ عالىمدارىمەن بىرگە يۋتا جانە «شۇعىلا اۋلاۋشىلارمەن» بىرگە يسلاندييا جاعالاۋىنا اتتاندى. ەندى ەگىن ورنەكتەرىن سۋرەتكە تۇسىرىپ، استرونومدارمەن بىرگە وڭتۇستىك افريكاعا جول تارتپاق. «ولار – قاراپايىم ادامدار، سوعان قاراماستان، عارىشقا جەتۋ جولىندا جارىسقا تۇسەدى»، – دەيدى ورمەرود.

پيتەر تيني كاليفورنييادا وقيتىن بالاسى الەكسيس جاساعان زىمىراندى ۇستاپ تۇر.

اۆتورى: نينا ستروچليك، فوتو روبەرت ورمەرود


ماقالانىڭ تولىق نۇسقاسى مەن الەمدىك زەرتتەۋلەردىڭ قاينار كوزىنە قول جەتكىزگىڭىز كەلسە، shopnationalgeographic.kz ارقىلى ونلاين جازىلىڭىز.

0
       

پىكىر جازۋ

كىرۋ
*
*
تىركەلۋ
*
*
*
جاڭا قۇپييا سوز