.

ەسى كەتكەن قىزىل پاندا

مىنا قىزىل پانداۆيردجينييا زووباعىندا سۋرەتكە تۇسىرىلگەن.

اتالىعىنىڭ اتى – سۋندار، ال ۇرعاشىسى – حۋسي. جاڭازەلاندييالىق «ايتتىرۋشىلار» ولاردى ۆەللينگتون زووباعىنداعى قىزىل پاندالاردىڭ تابيعي ورتاسىندا جولىقتىرعان. كوزدەگەندەرى – تۇقىم كوبەيتۋ.

تۇقىمداستىرۋ جوباسى – جوعالىپ كەتۋ قاۋپىندەگى جانۋارلاردى كوبەيتۋ، ولاردىڭ گەنەتيكالىق تۇرلىلىگىن ارتتىرىپ، ولاردى بىر-بىرىمەن جۇپتاستىرۋعا ارنالعان. «2015 جىلى سۋندار مەن حۋسي وزگە باقتان ۆەللينگتون زووباعىنا اكەلىنگەندە بىر-بىرىمەن «وتە جاقسى تىل تابىساتىن»، – دەيدى ەكەۋىنىڭ جاڭا قوجايىنى ماكسين دجەنكينس. دەسە دە، قىزىل پاندامەن جۇپتاسۋ وتە قيىن، ويتكەنى ولاردىڭ ۇرعاشىلارى جىلىنا بىر رەت قانا قوزادى ارى ول نەبارى بىر تاۋلىككە سوزىلادى.

2017 جىلدىڭ شىلدەسىندە قىزمەتكەرلەر سۋنداردىڭ حۋسيگە ەرەكشە ىلتيپات تانىتىپ، قاتتى دىبىستار شىعارىپ جۇرگەنىن بايقايدى. ول حۋسيدى اعاشتان جەرگە يتەرىپ تۇسىرىپ، بىرنەشە ساعات بويى ىزىنەن قالماي اڭديدى. بىرنەشە ايدان سوڭ حۋسي سالماق قوسىپ، ۇياسىنا اعاش پەن جاپىراقتار جيناپ جۇرەدى. وسىلايشا – نيما، ياعني «اسپانداعى كۇن» دەگەن قونجىق دۇنيەگە كەلەدى.

تارالۋ اۋماعى

قىزىل نە كىشكەنتاي پاندا، وتتى تۇلكى اتىمەن بەلگىلى Ailurus fulgens قىتاي، بۋتان، ۇندىستان، ميانما مەن نەپالدا كەزدەسەدى. جايلى ورتاسى: كولبەۋ تاۋ بوكتەرى، ورتاشا ورمان مەن الاسا بامبۋكتى بۇتالار (ونىڭ باستى ازىعى).

قورعالۋ دارەجەسى

شارۋاشىلىق كەسىرىنەن جوعالىپ كەتۋ قاۋپى تونىپ تۇر. تابيعاتتا 2500-10000 شاقتىسى عانا قالعان. ۇيدە اسىراۋعا بولاتىندىقتان، كوپتەپ اۋلانادى. مالدان تارايتىن اۋرۋلارعا وسال.

باسقا دەرەكتەر

بۋتاننىڭ تۇرعىندارى قىزىل پاندالاردىڭ بۋددا موناحتارىنىڭ رەينكارناتسييالانعان تاندەرى ەكەنىنە سەنەدى، سوندىقتان قىزىل پاندانى كەزدەستىرۋدى جاقسى ىرىمعا بالايدى.

اۆتورى: پاتريسييا ەدموندس، فوتو: دجوەل سارتور


ماقالانىڭ تولىق نۇسقاسى مەن الەمدىك زەرتتەۋلەردىڭ قاينار كوزىنە قول جەتكىزگىڭىز كەلسە، shopnationalgeographic.kz ارقىلى ونلاين جازىلىڭىز.

0
       

پىكىر جازۋ

كىرۋ
*
*
تىركەلۋ
*
*
*
جاڭا قۇپييا سوز