.

جاڭا زامان گۇلدەرى

Coreopsis tinctoria – سولتۇستىك امەريكاعا تان وسىمدىك. ول ۋلتراكۇلگىن ساۋلەنىڭ استىندا سۋرەتكە تۇسىرىلگەندە جالتىرايدى.

ۋلتراكۇلگىن ساۋلەگە جۇگىنۋ ادىسى قاراپايىم وسىمدىكتەردىڭ جاسىرىن، تۇرلى-تۇستى، تىپتى جارقىن اتتريبۋتتارىن پاش ەتەدى.

الدىمەن گرەيگ بەرروۋز بىر گۇلدى تاڭداپ الادى. ول پارك پەن جولدىڭ جارىعىن مۇقييات ارالاپ، قاجەتتى گۇلدى ىزدەيدى. تالاپتاردى قاناعاتتاندىراتىن «قۇرىلىسى» تولىق، تەكستۋراسى اۋقىمدى «ۇمىتكەر» تابىلعان كەزدە ونى ۇيىنە الىپ كەلەدى. ەگەر ۇلگى تابىلماسا، ونى وزىنىڭ باقشاسىندا وسىرەدى.

Myrtus communis گۇلىنىڭ جانىنان سىز بايقاماي وتە شىعۋىڭىز مۇمكىن. ونىڭ اق گۇلدەرىندەگى توزاڭ رەڭى ۋلتراكۇلگىن ساۋلە تۇسكەن كەزدە ەرەكشە تۇرلەنىپ شىعادى.

بەرروۋز لوس-انجەلەس جانىنداعى تۇرلى گۇل وسەتىن باستى اۋداندا تۇرادى. 2014 جىلدان بەرى ول گۇلدەردى ۋلتراكۇلگىن كورىنەتىن فلۋورەستسەنتسييا (ۋككف) ادىسى بويىنشا فوتوعا تۇسىرىپ كەلەدى. وسى ساۋلە ارقىلى گۇل تۇسى قۇبىلىپ، قاراپايىم تۇستەر تۇرلەنىپ، وزگە الەمگە تان بەينە شىعادى. فلۋورەستسەنتسيياسى ەڭ ەرەكشە گۇلدەر: داستۇرگۇل مەن كۇنباعىس. ولار ساۋلە تۇسكەندە، اشىق تۇسكە ەنىپ، جىلتىرايدى. كوپتەگەن گۇل كادۋىلگى جارىقتا كورسەتكەن سۇلۋلىقتارىنان مۇلدە باسقا عاجايىپتى پاش ەتەدى.

Monarda تۇقىمداسىنىڭ كەيبىر تۇرلى-تۇستى گۇلدەرى «ارا بالزامى» نە «بەرگاموت» دەگەن اتىمەن بەلگىلى. ۋلتراكۇلگىن ساۋلەنىڭ استىندا گۇل ۇستىندەگى توزاڭ ەلەكترلەنگەن كەمپىرقوساقتاي كورىنەدى.

ۋككف پروتسەسى تاستاي دەرلىك قاراڭعىلىق پەن گۇلدىڭ مۇلدە قوزعالىسسىز تۇرۋىن قاجەت ەتەدى. گۇلدەر ەشقايدا قاشىپ كەتپەيدى، بىراق 20 سەكۋند ۋلتراكۇلگىن ساۋلەنىڭ استىندا تۇرعان سوڭ ولار سولىپ نە جابىلىپ قالۋى مۇمكىن. ار سۋرەتكە تۇسىرگەن سايىن بەرروۋز دەمىن ىشىنە تارتىپ تۇرادى، ويتكەنى قاتە دەم الىپ، اۋادا توزاڭ قوزعالاتىن بولسا، سۋرەت بۇلدىر­لاپ كەتۋى نەمەسە كەدەرگى كەلتىرەتىن بولشەكتەر پايدا بولۋى مۇمكىن. بۇل ونەرتابىستىڭ ناتيجەسىندە، جالتىراقتارمەن بەزەندىرىلگەن بوتانيكالىق پورترەتتەر توپتاماسىن الامىز.

ال Pyrus calleryana-نىڭ اپپاق گۇلدەرى كۇلگىن بولىپ كورىنەدى. قالىپتى جاعدايدا ادامدار جالپى تۇستەردى كورەدى (مىسالى، شوپ جاسىلدان وزگە بارلىق ازىراق تۇس جۇتىپ قويادى). فلۋورەستسەنتسييا – بىر تولقىن ۇزىندىعىنىڭ وزگە ۇزىندىق­تاعى راديا­تسييانى جۇتىپ قوياتىن جارىق شىعارىندىسى. سول سەبەپتى گۇل تەك ۋلتراكۇلگىن ساۋلە تۇسكەندە عانا بۇل تۇستەرگە ەنەدى.

«مەن كوز الدىمىزداعى دۇنيەلەردىڭ بۇرىن-سوڭدى بايقالماعان تۇستارىن كورسەتەمىن»، – دەيدى بەرروۋز. ونىڭ ايتۋىنشا، اشىق كورىنىستەر ەڭ قىزىقتى دۇنيەلەردى تۇمشالاپ تۇرادى ەكەن.

اق گۇلدى مارمار كالانحوە (سول جاقتا) بەرروۋزدىڭ ستۋديياسىندا القىزىل تۇسكە اينالادى.

اۆتورى: دانيەل ستوۋن، فوتو: گرەيگ بەرروۋز


ماقالانىڭ تولىق نۇسقاسى مەن الەمدىك زەرتتەۋلەردىڭ قاينار كوزىنە قول جەتكىزگىڭىز كەلسە، shopnationalgeographic.kz ارقىلى ونلاين جازىلىڭىز.

0
       

پىكىر جازۋ

كىرۋ
*
*



تىركەلۋ
*
*
*
جاڭا قۇپييا سوز