.

بۇل قۇرمەتكە قاي قازاق لايىق؟

2005 جىلى ەسىمى الەمگە ايگىلى گولليۆۋد اكتريساسى اندجەلينا دجولي، 2010 جىلى اكتەر، پروديۋسەر انتونيو باندەراس، 2014 جىلى لەوناردو دي كاپريو بۇۇ مەن «National Geographic» قاۋىمداستىعىنا عالامدىق پروبلەمالاردى شەشۋگە ارنالعان ناقتى ۇسىنىستارىمەن شىعىپ، ىزگى نيەت ەلشىسى اتانعان. ماسەلەن ديكاپريو اتموسفەراعا بولىنەتىن پارنيكتىك گاز كولەمىن ازايتۋ جونىندە ناقتى باستامامەن شىقسا، دجولي مەن باندەراس بوسقىندار ماسەلەسى، كەدەيشىلىكپەن كۇرەس جانە ار ەلدەگى الەۋمەتتىك تەڭسىزدىكتى جويۋدى كوزدەيدى. تانىمال تۇلعالار وسىلايشا ىزگىلىكتى ىستىڭ ۇلگىسىن كورسەتىپ، بۇكىل ادامزاتقا ورتاق پروبلەمالاردى شەشۋدىڭ جولدارىن ۇسىنعان. اتاقتىلار اراسىندا سونداي-اق جويىلىپ كەتۋ قاۋىپى تونگەن اڭ-قۇستار، قورىقتار مەن تابيعي ەسكەرتكىشتەردى، ورمان-توعايلار مەن وزەن-كولدەردى ساقتاپ قالۋعا قارجىلاي قولداۋ كورسەتىپ جۇرگەندەرى دە بارشىلىق. بۇل ۇردىس ەل الدىندا جۇرگەن جاندارعا ومىر تەك جيىندار مەن توي-دۋمانداردان عانا تۇرمايتىنىن، ەڭ ساۋاپتى ىس بارلىق ادامدارعا شاپاعاتى تيەتىن دۇنيەمەن اينالىسۋ كەرەكتىگىن ۇقتىرعانداي.

شۇكىر، بۇگىندە ەل ىشىندە ەسىمى الەمگە تانىمال، اتى مەن اتاعىنان ات ۇركەتىندەي بەلگىلى تۇلعالار لەگى قالىپتاسىپ كەلەدى. وسىنى ەسكەرگەن «National Geographic Qazaqstan» جۋرنالى قازاقستاننىڭ سيمۆولىنا بالانعان، قازاققا ەتەنە جاقىن، تالاي ان مەن جىرعا ارقاۋ بولعان اقبوكەن مەن اققۋ، بۇركىت پەن قار بارىسى سەكىلدى اڭ-قۇستى ساقتاپ قالۋعا جانە ولاردى ناسيحاتتاۋ جوباسىن قولعا الىپ وتىر.

سىزدەرگە سۇراق! ەلىمىزدەگى قايسىبىر تۇلعا جاۋاپكەرشىلىگى جوعارى وسىنداي ىسكە لايىقتى دەپ ويلايسىزدار؟

0
       

پىكىر جازۋ

كىرۋ
*
*



تىركەلۋ
*
*
*
جاڭا قۇپييا سوز