.

بۇركىتشى قىز ەلباسىمەن كەزدەسۋدەن كەيىنگى اسەرىمەن بولىستى

بۇركىتشى قىز نازارباەۆپەن كەزدەسۋدەن العان اسەرىمەن بولىستى موڭعولييادان كەلگەن بۇركىتشى قىز ايشولپان نۇرعايىپقىزى قازاقستان پرەزيدەنتى نۇرسۇلتان نازارباەۆقا العىسىن ايتتى.

ايشولپان جاستار جىلىنىڭ اشىلۋ سالتاناتىندا ەلباسىنىڭ الدىندا سوز سويلەگەنىنە وتە قۋانىشتى ەكەنىن ايتتى. ازداپ قوبالجىعانىن دا جاسىرمادى.

«بۇل مەن ۇشىن ۇلكەن ابىروي بولدى دەپ سانايمىن. ەلباسىنى كورۋ مەنىڭ ارمانىم بولاتىن. كەشە سول ارمانىم ورىندالدى. استانادا، اتامەكەنىمدە بىلىم الىپ جاتقانىما قۋانامىن. وسىنداي ادەمى ەلوردانى سالعان نۇرسۇلتان ابىشۇلى، سىزگە العىسىم شەكسىز»، دەدى بۇركىتشى قىز Sputnik مۋلتيمەدييالىق باسپاسوز ورتالىعىندا.

ايشولپان قازىر اعىلشىن تىلىن جاقسارتىپ جۇرگەن ەكەن. سونداي-اق، ول استانانىڭ ادامدارى مەن كليماتىنا توقتالدى.  «ماعان استانا قاتتى ۇنادى، ادامدارى دا وتە جاقسى. نەگىزى، بىزدىڭ ەلگە قاراعاندا جىلى دەپ ايتسام بولادى. بىزدە بۇدان دا قاتتى سۋىق بولادى»، دەيدى وقۋشى قىز.

بۇركىتشى قىز قازاقستاندىق تاراپتىڭ شاقىرۋىمەن Spectrum حالىقارالىق مەكتەبىندە 11-سىنىپتا وقيدى.  «بىلىم وردا» حالىقارالىق قوعامدىق قورىنىڭ پرەزيدەنتى دارحانبەك قوجابەكوۆتىڭ ايتۋىنشا، مەكتەپ وقۋشىلارى كەمبريدج باعدارلاماسىمەن وقىتىلادى. ال بىلىم ورداسىنىڭ وزى 12 جىلدىق.

«ايشولپان قازىر اعىلشىن تىلىن ۇيرەنىپ جۇر. بىزگە كەلگەندە، دەڭگەيى سال تومەن بولعان سوڭ، بىز قوسىمشا ساباقتار وتكىزىپ جۇرمىز، مۇعالىمدەر دە كومەكتەسەدى. بىراق، كوپ ەل ارالاعاننىڭ اسەرى بولۋى كەرەك، ايشولپان تىلدى وڭاي الىپ كەتىپ جاتىر. قابىلەتى بار. ساباعىن دا وقىپ، جۋرناليستەرگە سۇقبات بەرىپ تە ۇلگەرەدى»، دەيدى قوجابەكوۆ.

حالىقارالىق مەكتەپتە تەگىن وقيتىن ايشولپانعا شاكىرتاقى دا تاعايىندالعان.  جۋىردا بۇركىتشى قىز قىسقى دەمالىستاردا موڭعوليياداعى اتا-اناسىنا بارىپ كەلگەن.  «ارينە، ول مەكتەپتىڭ جۇلدىزى، بارى وعان قولداۋ كورسەتەدى. بىرىنشى كۇنى مەكتەپكە بۇركىتتى اكەلىپ، باسپاسوز ماسليحاتىن وتكىزدىك»، دەيدى قور پرەزيدەنتى.

23 قاڭتار كۇنى استانادا جاستار جىلىنىڭ اشىلۋىنا ارنالعان سالتاناتتى جيىندا ايشولپان نۇرعايىپقىزى قازاقستان پرەزيدەنتىن بايان-ولگييگە قوناققا شاقىرعان بولاتىن

فوتو: National Geographic Qazaqstan

دەرەككوز: Sputnik

0
       

پىكىر جازۋ

كىرۋ
*
*



تىركەلۋ
*
*
*
جاڭا قۇپييا سوز