.

ارقان ۇستىنەن جۇرىپ وتۋ

«كەيدە سۇرىنىپ كەتسەڭىز، قايتا كوتەرىلىپ، جولىڭىزدى جالعاستىراسىز. الايدا ارقاننىڭ ۇستىندە سۇرىنسەڭىز، سىزگە ۇش-تورت مۇمكىندىك قانا بەرىلەدى». – ستەفان زيگريست

شۆەيتسارييانىڭ الپى شىڭدارىنىڭ اراسىنان تارتىلعان ارقان ۇستىنەن جۇرىپ وتكەن جان.

جوسپاردان بىر اپتا بۇرىن

كورۋ سىزىعىن انىقتاۋ

بىرنەشە جىلىن شۆەيتسارييا تاۋلارىنىڭ پارالەل اكتاس شىڭدارىنا ورمەلەپ شىعۋعا ارناعان فوتوگراف توماس ۋلريح پەن الپينيست ستەفان زيگريست ەندى سول ەكى شىڭنىڭ ورتاسىنان جۇرىپ وتپەككە بەل بۋدى. باس اينالدىرار بيىكتىكتە ويداعىداي جۇرىپ وتۋگە ۇش تۇرلى فاكتور اسەر ەتەدى: زەيىن، تەپە-تەڭدىك، بيىكتىك. ارقان قوس شىڭنىڭ اراسىنان تۇزۋ تارتىلعاندىقتان زيگريستكە بالانستى ساقتاۋ ۇشىن زەيىنىن تۇيىندەيتىن نۇكتە جوق. «الدىڭا قاراساڭ، اۋادان باسقا ەشتەڭە كورىنبەيدى»، – دەيدى زيگريست. وسى كەمشىلىكتى تۇزەۋ ۇشىن نىسانا رەتىندە شىڭعا اشىق تۇستى ريۋكزاك قويىلدى.

جوسپاردان بىر كۇن بۇرىن

قاجەتتى دايىندىقتار

فۋنيكۋلەر ۆاگونى زيگريست پەن ۋلريحتى تاۋدىڭ شىڭى شيلتحورنعا دەيىنگى جولدىڭ جارتىسىنا دەيىن اپاردى. ولار قوس شىڭعا ورمەلەپ شىعىپ، اراسىنان ارقان تارتۋ ۇشىن ەكەۋىنە دە قازىق قاقتى. قازىقتار ارقاننىڭ ۇستىندە ادام جۇرە الاتىنداي كەرنەۋلى ارى قاۋىپسىز بولۋى قاجەت. قاجەتتى زاتتار تىزىمى:

  • تاۋعا شىعۋعا جانە ارقانمەن جۇرىپ وتۋگە قاجەتتى ابزەلدەر;
  • قولدىڭ قۇرعاق بولۋىنا قاجەتتى بور;
  • كۇنقاعار كوزىلدىرىك پەن كرەم;
  • اياقكيىم بولماۋى كەرەك. ارقان جالاڭاياق جۇرگەندە جاقسىراق سەزىلەدى.

جوسپاردان التى ساعات بۇرىن

جولعا شىعۋعا دايىنبىز

جاۋىن جاۋسا، سينتەتيكالىق تالشىق تايعاناق بولىپ كەتەدى. ابىروي بولعاندا قىركۇيەكتىڭ تاڭى جەڭىل تۇمانعا عانا ورانىپ تۇر. ۋلريچ سۋرەتكە ادەمىلەپ تۇسىرۋ ۇشىن جاقىن ماڭداعى شىڭعا جايعاستى، ال زيگريست دەنەسىن قىزدىرىپ، ارقان كەرنەۋدى سىناۋ ۇشىن بىر-ەكى قادام جاساپ كوردى. العاشقى قادام – ەڭ قاۋىپتىسى. ەرتە قۇلاساڭىز، جارتاسقا ۇرىنۋىڭىز مۇمكىن. «ۇش قادامنان سوڭ تەرەڭ دەم الساڭىز نەمەسە ويىڭىزدى ارقانعا اۋدارساڭىز بولادى، – دەيدى زيگريست، – باسى ساتتى باستالسا، جولدى جالعاستىرۋ جەڭىل بولادى».

ساندار سويلەسىن

شيلتحورننىڭ بيىكتىگى – 2970 مەتر

ارقاننىڭ قالىڭدىعى – 2.5 سانتيمەتر

ەكى شىڭنىڭ اراسىنداعى قاشىقتىق – 20 مەتر

اۆتورى: نينا ستروچليك، فوتو: توماس ۋلريح


ماقالانىڭ تولىق نۇسقاسى مەن الەمدىك زەرتتەۋلەردىڭ قاينار كوزىنە قول جەتكىزگىڭىز كەلسە، shopnationalgeographic.kz ارقىلى ونلاين جازىلىڭىز.

0
       

پىكىر جازۋ

كىرۋ
*
*



تىركەلۋ
*
*
*
جاڭا قۇپييا سوز