.

ارباپ الار جالماۋىز

ناپسىسى قوزعان Latrodectus geometricus ورمەكشىسى نەگە جاس انالىقتى ىزدەمەيدى؟ ەگدەلەرىنە قاراعاندا جاستاۋلارى فەرتيلدى كەلەدى ارى ولاردىڭ «كوڭىلىن تابۋمەن» كوپ اۋرەگە سالىنباي-اق تەز دەگەنىڭە جەتۋگە بولادى. ەڭ باستىسى، امان قالۋدىڭ مۇمكىندىگى زور. ويتكەنى جاستارى كەكسەلەرى سيياقتى جاقىندىقتى كاننيباليزممەن اياقتامايدى («جەسىر ورمەكشى» اتاۋى وسىدان شىققان).

بارلىق ارتىقشىلىعىن ەسكەرە وتىرىپ، يزرايلدەگى زەرتتەۋ توبى L.geometricus اتالىعى جاس انالىقتى تاڭدايدى دەپ كۇتكەن بولاتىن. مۇنى تەكسەرۋ ۇشىن عالىمدار اتالىق ورمەكشىلەردى ارتۇرلى جاستاعى ۇرعاشىلاردىڭ ورتاسىنا تاستاي سالدى. زەرتتەۋ ناتيجەسى Animal Behaviour جۋرنالىندا جارييالاندى.

ەگدە انالىقپەن شاعىلىسۋ ۇشىن اتالىق ورمەكشى قىزۋ باسەكەگە تۇسىپ، التى ساعات بويىنا ونىڭ كوڭىلىن تابۋى كەرەك. اقىر اياعىندا ونىڭ قوس جىنىس مۇشەسىنىڭ بىرى جۇبىنىڭ قوس ساڭىلاۋىنىڭ بىرىنەن تابىلادى. وسى ساتتە انالىعى اتالىقتى تىرىدەي جەي باستايدى. ەگەر ول تىرى قالسا ھام مەرتىگىپ قالماسا، باعىن قايتا سىناپ كورە الادى.

زەرتتەۋ بارىسىندا، ارتۇرلى جاستاعى انالىقتارىمەن بەتپە-بەت كەلگەندە اتالىق ورمەكشىلەر جاستاۋلارىنىڭ جارتىسىمەن عانا، ال ەگدەلەرىنىڭ تۇگەلىمەن شاعىلىسقانى بايقالدى. جاستارىنا «تيىسكەندەردىڭ» ەشقايسىسى كاننيباليزمگە ۇشىراماعان، ال ەگدەلەردىڭ «قولىنان» جارتىسىنان كوبى مەرت بولدى. «بىز جاس ورمەكشىلەردىڭ جاسامىستارىمەن قاتىناسقا تۇسىپ، «سۋيتسيدكە» باس تىگۋىنىڭ سەبەبىن تۇسىنە الماي قويدىق»، – دەيدى زەرتتەۋ اۆتورلارىنىڭ بىرى شەۆي ۋانەر. بىر تەورييا بويىنشا، كەمەلدەنگەن ۇرعاشىلار اناعۇرلىم كۇشتى جىنىس فەروموندارىن بولۋ ارقىلى فەرتيلدىگى مەن قارتاڭ جاسى سەكىلدى كەمشىلىكتىڭ ورنىن حيمييالىق جولمەن تولتىرادى.

اۆتورى: پاتريسييا ەدموندس پەن كەتي ۋوتكينس


ماقالانىڭ تولىق نۇسقاسى مەن الەمدىك زەرتتەۋلەردىڭ قاينار كوزىنە قول جەتكىزگىڭىز كەلسە، shopnationalgeographic.kz ارقىلى ونلاين جازىلىڭىز.

0
       

پىكىر جازۋ

كىرۋ
*
*



تىركەلۋ
*
*
*
جاڭا قۇپييا سوز