.

العا، جاستار!

رەسمي مالىمەتتەرگە سايكەس، قازاقستانداعى جاستار سانى 2018 جىلى 3 900 834 ادام بولدى. بۇل حالىقتىڭ 21،5 پايىزىنا تەڭ كورسەتكىش. تۇسىنىكتىرەك بولۋ ۇشىن ايتا كەتەيىك، جاستار دەگەن كاتەگوريياعا 14 بەن 29 جاس ارالىعىنداعىلار جاتادى. تومەندەگى كەستەدە رەسمي مالىمەتتەر بويىنشا، سوڭعى ۇش جىل كولەمىندەگى ەلىمىز جاستارىنىڭ جالپى سانى كورسەتىلگەن.

2016 جىل – 4 097 900

2017 جىل – 3 994 393

2018 جىل – 3 900 834

بۇل كەستەدەن بايقاپ وتىرعاندارىڭىزداي، ەلىمىزدە جاستار سانى كۇرت ازايىپ كەتكەن. نەگە؟ ونىڭ قانداي سەبەپتەرى مەن تۇيتكىلدەرى بار؟ بۇل شىن مانىندە تەرەڭ ويلانارلىق جايت.

قازاقستان رەسپۋبليكاسىنىڭ پرەزيدەنتى ن.نازارباەۆ وزىنىڭ 2018 جىلعى 5 قازانداعى جولداۋىندا 2019 جىلدى جاستار جىلى دەپ جارييالادى. قوعامدىق ۇيىمدار مەن زييالى قاۋىم وكىلدەرى بۇل شەشىمنىڭ تەرەڭ استارى بار جانە وتە دۇرىس قابىلدانعان دەپ سانايدى. ار جىلدارى دۇنيەگە كەلىپ، بىردە باياۋ، بىردە قارقىندى جۇزەگە اسىپ كەلە جاتقان «سەرپىن»، «جاس سارباز»، «ديپلوممەن – اۋىلعا»، «ماڭگىلىك ەل ­جاستارى – يندۋستريياعا»، «جاسىل ەل»، ت.ب. جوبالار قالاي جۇرىپ جاتىر؟ وسى جانە باسقا دا تۇيتكىلدى سۇراقتار جونىندە جۋرنالى­­­­مىزدىڭ الداعى ساندارىندا تولىعىراق جازباقپىز.

فوتو: دميتريي رۋگيس

0
       

پىكىر جازۋ

كىرۋ
*
*



تىركەلۋ
*
*
*
جاڭا قۇپييا سوز