.

وار ماجورەتكالارى

بارابانشىلار ۇشىن دەمالىس جوق. ۇلتتىق مەيرام قارساڭىندا فەيرمونت مەكتەبىنىڭ ماجورەتكالارى كۇردەلى باعدارلامالارىن ورىنداۋ ۇشىن جاتتىعۋعا جينالعان.

ۋنيفورما كيگەن جاس قىزدار بويلارىنا سەنىمدىلىك پەن ماقتانىش سىڭىرە بويجەتەدى.

وڭتۇستىك افريكانىڭ باراباندى ماجورەتكالار داستۇرى – سپورت، بي ارى كوپشىلىك نازارىن اۋداراتىن ونەر.

ۋنيفورمامەن مەكتەپ قامتاماسىز ەتكەنىمەن ماجورەتكا اتا-اناسىنىڭ قالتاسىنا دا ايتارلىقتاي سالماق تۇسەدى. كورسەتەتىن باعدارلاما باس كيىمىنىڭ تۇسىن انىقتاپ، كەيدە قىزداردىڭ توپتاعى مارتەبەسىن دە كورسەتەدى.

بارابانشى قىزدار كەيپتاۋن كوشەلەرىندەگى پارادتاردا العاش 1970-جىلداردان باستاپ كورىنە باستادى. بۇگىن ولار، كوبىنە مەكتەپتەردەگى جارىس كلۋبتارىنىڭ بىر بولىگىنە اينالعان. بارىنە ەسىگى اشىق بولسا دا، مارگينالدانعان الەۋمەتتىك توپتان شىققان قىز بالا عانا بۇل داۋىلپازشىلاردىڭ قاتارىنا قوسىلا الادى. سەنىمدىلىك، ماقتانىش پەن پوزيتيۆتى جۇمىس ادەبىن قالىپتاستىرۋ ۇشىن ولار تىنىمسىز جاتتىعۋعا ماجبۇر.

ساپپەن جۇرەتىن، سونداي-اق چيرليدەر قاتارىندا 5-20 جاس ارالىعىنداعى بۇرىمدى بار. ايماقارالىق سايىستار ۇشىن رەپيتيتسييانىڭ ماڭىزى زور. مىنسىز ورىندالعان پەرفورمانس قانا ۇزدىك باعا الماق. سىرتقى كەلبەت پەن ورىنداۋ شەبەرلىگى، سونداي-اق كوشباسشىلىق قابىلەت پەن مىنەز دە نازاردان تىس قالمايدى.

توعىز جاسار كەيشا نكۋبەنىڭ ماجورەتكا بولعانىنا ۇش جىل. بۇل بيشىلەر قاتارىنا ەرتە جاستان قوسىلاتىن قىزدار بويجەتكەندە دە توپتا قالىپ، تۇرلى جاتتىعۋ مەن سايىس كەزىندە وز تاجىريبەلەرىمەن بولىسىپ وتىرادى.

فوتوگراف اليس ماننىڭ كوزى بارابانشى قىزدارعا 2016 جىلى تۇسەدى. اليس قىزداردىڭ بويىندا ۇشتاسقان نازىكتىك پەن ەمپاۋەرمەنت قاسيەتىنە دەن قويادى. ول ۋنيفورما كيگەن قىزدىڭ «دەنە تىلى» قالاي وزگەرىپ سالا بەرگەنىن ارى اتا-انالاردىڭ ىنتاسىن بايقايدى.

سوڭعى كەزدەرى بۇل اۋەسكە قىزىعاتىندار ازايعان. نەگىزگى سەبەبى، مۇمكىندىگى شەكسىز بولىپ كورىنەتىن الەۋمەتتىك جەلى بولسا كەرەك.

بارابانشى قىزداردىڭ دەنى تۇرمىسى تومەن وتباسىلاردان شىقسا دا، اراسىندا باي-باعلاندارى دا جوق ەمەس.

دەسەك تە، كەيپتاۋندا بارابانشى قىزدار از ەمەس. ولار كۇنۇزاق سوزىلاتىن سايىستارعا قاتىسىپ قانا قويماي، كوپ كۇش-جىگەردى قاجەت ەتەتىن ىستىڭ ۇزاق مەرزىمدىك پايداسىن دا تۇسىنەدى. «بارابانشى بولۋ – وتە ابىرويلى ىس، – دەيدى مانن، – بۇل ولارعا ۇلكەن ومىرگە قاجەتتى تاجىريبە بەرەدى».

ماجورەتكا بولعان قىزدار بەرىك دوستىقتىڭ ىرگەسىن قالاۋعا ەرتە جاستان بەيىمدەلەدى.

اۆتورى: دەنيەل ستوۋن


ماقالانىڭ تولىق نۇسقاسى مەن الەمدىك زەرتتەۋلەردىڭ قاينار كوزىنە قول جەتكىزگىڭىز كەلسە،
shopnationalgeographic.kz ارقىلى ونلاين جازىلىڭىز.

0
       

پىكىر جازۋ

كىرۋ
*
*



تىركەلۋ
*
*
*
جاڭا قۇپييا سوز