.

قولا داۋىرىنىڭ سۇيەك كونكيى

قازاقستاندىق بەلگىلى عالىم ابدىماناپ مەدەۋۇلى ورازباەۆ 1965 جىلى كوكشەتاۋ وبلىسى، بۇرىنعى كراسنوارمەيسك اۋدانىنا قاراستى شاعالالى ى قولا داۋىرىنىڭ قونىسىن زەرتتەۋ كەزىندە سۇيەكتەن جاسالعان كوپتەگەن زاتتار تاۋىپ الادى. سول سۇيەكتەردىڭ اراسىنان 6 جۇپ كونكي دە تابىلعان. عالىم 1967 جىلى ماسكەۋ قالاسىندا «سوۆەت لايف» گازەتىنە سول سۇيەكتەر تۋرالى عىلىمي-زەرتتەۋ ماقالاسىن جارييالاعان بويدا قۇرىلعان ارنايى ساراپتاما توبىنا بريتانييالىق عالىم دجوزەف بۋچكو جەتەكشىلىك ەتەدى دە، ول زاتتىڭ كونكي ەكەنىن راستايدى.

2014 جىلى ل.ن. گۋميلەۆ اتىنداعى ەۆرازييا ۇلتتىق ۋنيۆەرسيتەتىنىڭ ارحەولوگتارى سول سۇيەك كونكيدىڭ تۇپنۇسقاسى نەگىزىندە قالپىنا كەلتىرىپ كوشىرمەسىن جاساپ شىعارادى.

بۇنداي كونكيلەر نەگىزىنەن جىلقىنىڭ سيراق سۇيەگىنەن ورتاسى جارىلىپ جاسالعانى بەلگىلى بولادى. ونداي سۇيەكتىڭ قابىرعاسى وتە قالىڭ بولاتىندىقتان ۇزاق ۋاقىتقا شىداس بەرەتىندىگىمەن ەرەكشەلەنەدى. مولشەرمەن بىر سۇيەك كونكيدىڭ سالماعى 400 گرامم تارتادى.

2018 جىلدىڭ جەلتوقسان ايىندا سۇيەك كونكيلەرگە ارنايى پاتەنت الىندى.

جالپى قازاق جەرىنەن ەڭ العاش رەت سۇيەك كونكي 1948 جىلى قوستاناي وبلىسى توبىل وزەنى بويىنان كريفتسوۆا-گراكوۆا دەگەن عالىم تاپقانىمەن ول زاتتاردىڭ كونكي ەكەنىن بىلمەگەن ەكەن.

اۆتورى: ۇمىتقاليەۆ ۇلان ۇمىتقاليۇلى، فوتو: 

ل.ن.گۋميلەۆ اتىنداعى ەۆرازييا ۇلتتىق ۋنيۆەرسيتەتىنىڭ ارحەولوگييا جانە ەتنولوگييا كافەدراسىنىڭ مەڭگەرۋشىسى

0
       

پىكىر جازۋ

كىرۋ
*
*



تىركەلۋ
*
*
*
جاڭا قۇپييا سوز