.

ونەرپاز فرەگاتا

جانۋارلاردىڭ كوپتەگەن اتالىقتارى قارسى جىنىس وكىلدەرى الدىندا اسەر قالدىرۋ ۇشىن كەۋدە كەرە ماڭعازدانادى. الايدا تۇسى، قۇلاشى مەن داۋىسىنىڭ اۋەزدىلىگى بويىنشا لات. Fregata magnificens، ياعني كەرەمەت فرەگاتاعا جەتەتىنى جوق.

شاعىلىسۋ ۋاقىتىندا ار اتالىق وزگە باسەكەلەستەرىنەن وق بويى وزىق تۇرۋعا تىرىسادى. بۇل تۇرعىدا تاماعىنان سالبىراعان قىزىل قالتاشانىڭ ورنى ەرەكشە. ونى اۋامەن تولتىرعاندا قالتاشا قۇستىڭ بويىمەن بىردەي جۇرەك پىشىنىنە ەنەدى. ارتىنشا تۇمسىعىمەن توقىلداتىپ، كەۋدەسىنەن بارابان تارسىلىنداي اۋەن توگىلەدى – بۇل ونىڭ ماحابباتقا شاقىرۋى. «وزدەرىن كورمەسەڭىز دە، ولاردىڭ اۋەزدى اۋەنىن الىستان ەستيتىنىڭىز حاق»، – دەيدى گالاپاگوس تابيعات قورعاۋ قورىندا ىستەيتىن دجەن دجونس.

اۋەدە ۇشىپ جۇرگەن انالىقتارى تۋراسىن ايتقاندا كونتسەرت كورۋ ۇشىن جەرگە قونا باستايدى. دجەننىڭ ايتۋىنشا، اتالىقتارى ديسكوتەكاداعىداي بيلەپ، باستارىن شايقاي جۇلقىنا قيمىلداپ، «قويىلىمدى» قىزدىرا تۇسەدى. زەرتتەۋدىڭ بىرى كورسەتكەندەي، اتالىقتارعا وز جۇبىن تابۋعا وسى بارابان قاعىستارى كومەكتەسەدى.

تىرشىلىك ورتاسى/تارالۋى

Fregata magnificens قۇستارى، نەگىزىنەن، قوس امەريكا قۇرلىعىنىڭ تىنىق پەن اتلانت مۇحيتتارىنىڭ جاعالاۋىندا، جاپسارلاس ارالداردا، كاليفورنييا مەن دجوردجييادان، ەكۆادور مەن ۋرۋگۆايعا دەيىنگى ارالىقتا تىرشىلىك ەتەدى.

قورعالۋ ستاتۋسى

حتقو بۇل قۇس تۇرىنە ايتارلىقتاي قاۋىپ تونىپ تۇرعان جوق ەكەنىن ايتادى. الايدا پارازيت پەن تىرشىلىك ورتاسىنىڭ تارىلۋىنا بايلانىستى ولاردىڭ كەي پوپۋلياتسييالارىن ەرەكشە باقىلاۋعا العان جون.

 

وزگە دەرەكتەر

  • كەرەمەت فريگاتتار جىلى اۋا اعىنىن پايدالانىپ، ايلار بويى اۋەدە سامعايتىن كەز بولادى.
  • زەرتتەۋ كەزىندە تاماق قالتاشاسىنىڭ كولەمدىلىگىنە بايلانىستى تومەنگى جيىلىكتە قالىڭداۋ ارى تۇراقتى دىبىس شىعاراتىن اتالىقتارى انالىق قۇستارعا تارتىمدىراق كورىنگەنى بايقالعان. انالىقتار وسىنداي دىبىستاردان الجۋاز يا قۋاتى تاسىعان اتالىقتى انىقتاي الاتىن بولىپ شىقتى.

اۆتورى: پاتريسييا ەدموندس


ماقالانىڭ تولىق نۇسقاسى مەن الەمدىك زەرتتەۋلەردىڭ قاينار كوزىنە قول جەتكىزگىڭىز كەلسە،
shopnationalgeographic.kz ارقىلى ونلاين جازىلىڭىز.

0
       

پىكىر جازۋ

كىرۋ
*
*



تىركەلۋ
*
*
*
جاڭا قۇپييا سوز