.

شۇبايقىزىل دەسە، شۇبايقىزىل!

ەلىمىزدىڭ وڭتۇستىك وڭىرلەرىندە جيى كەزدەسەتىن «گرەيگ» قىزعالداعىن سۋرەتكە تۇسىرۋ ۇشىن الماتىدان ارنايىلاپ جولعا شىققان بىزدىڭ شىعارماشىلىق توپ تۇركىستان وبلىسىنا بارىپ-قايتۋعا شامامەن 1300 شاقىرىمدى ارتقا تاستادى.

بيىل ساۋىر ايىندا جاۋىن-شاشىن مول بولعاندىقتان جەر-جەردە كوكوراي شالعىن شوپپەن بىرگەن گۇلدىڭ دە تۇر-تۇرى جايقالىپ وسكەن. جىلىنا بار بولعانى 15 كۇن عانا گۇلدەيتىن قىزعالداق اسىرەسە شۇبايقىزىل القابىن قىزىل كىلەمگە كومكەرىپ، جۇپار يىسى اڭقىعان جازيرالى كەڭ دالانى ودان سايىن اسەمدىككە بولەي تۇسكەن. وسى ساتتى تيىمدى پايدالانىپ قالۋعا تىرىسقان فوتوگرافتار گۇلدى ار قىرىنان تۇسىرىپ الىپ جاتتى.

جەر بەتىندە قىزعالداقتىڭ 120-دان استام تۇرى بار بولسا، ولاردىڭ باسىم كوپشىلىگى شىعىس ازييا مەن وڭتۇستىك ەۋروپا ەلدەرىندە كەزدەسەدى. گۇل وندىرۋشىلەردىڭ كەيبىرى ول گۇلدى تەك ساتۋ ۇشىن عانا وسىرسە، قالعاندارى حوش يىستى پارفيۋمەرييالىق زاتتار جاساۋعا پايدالانادى ەكەن. ال بىزدىڭ وتاندىق ماماندار بۇل گۇلدىڭ «گرەيگ» دەگەن تۇرىن باۋىر اۋرۋلارىنا قارسى دارى-دارمەك رەتىندە پايدالانۋعا بولاتىنىن ايتۋدا. «گرەيگتىڭ ارتىقشىلىعى ول – 55 پايىز كراحمال مەن قانتتان تۇرادى. ال ونداي سۇيىقتىق اعزاعا اسا پايدالى»، – دەيدى ولار. ال جالپى تۇركىستان وبلىسى ناق وسى گۇلدىڭ ورداسى سانالادى.

ال جالپى قازاق جەرىندە قىزعالداقتىڭ وتىزدان استام تۇرى بار. قىزعالداق گۇلدەرىن ىلە، جەتىسۋ (جوڭعار) الاتاۋىندا، كەتپەن (ۇزىنقارا) جوتاسى مەن شۋ اتىرابىنان كەزدەستىرەمىز. تىپتى «قىزعالداقتار ەلى» اتانىپ كەتكەن نيدەرلاندتىڭ وزىندە ناق وسى گۇلدىڭ تۇرلەرى وسىنشالىق اركەلكى ەمەس. سوعان قاراماستان قىزعالداق گۇلi نيدەرلاندتىقتار اراسىندا، اسا قاستەرلى سانالىپ،  جوعارى باعالانادى. سەبەبى ولار جىل سايىن قىزعالداق ساتۋدان 500 ميلليون اقش دوللار تابىس تاباتىنىنا قاراعاندا بىز قولدا بار مۇمكىندىكتى پايدالانا الماي وتىرعاندايمىز.

سۋرەتتى تۇسىرگەن: دوسجان بالابەكۇلى


شۇبايقىزىل قىراتى، تۇلكىباس اۋدانى، تۇركىستان وبلىسى

0
       

پىكىر جازۋ

كىرۋ
*
*



تىركەلۋ
*
*
*
جاڭا قۇپييا سوز