.

55 مىڭ شاقىرىم جولدى جۇرىپ وتكەن ساياحاتشى

جۋىردا عانا كىشى (ۋمرا) قاجىلىققا ۆەلوسيپەدپەن بارىپ قايتقان بەلگىلى ساياحاتشى تالعات جۇمابەكوۆ «National Geographic Qazaqstan» جۋرنالىنىڭ نۇر-سۇلتانداعى باس كەڭسەسىنە ارنايىلاپ كەلىپ، الداعى جوسپارىمەن بولىستى.

50 جاستاعى جيھانگەزدىڭ سوزىنە قاراعاندا، الەمدى ارالاۋعا ارناعان تورتىنشى ساپارى بارىسىندا ول سولتۇستىك جانە وڭتۇستىك امەريكا قۇرلىعىن تولىقتاي ۆەلوسيپەدپەن كەسىپ وتپەك. ناقتىراق ايتار بولساق ۆەلوشاباندوز ماۋسىم ايىنا (ساپار بىر ايعا سوزىلادى) جوسپارلانعان كەلەسى ساپارىندا الياسكانىڭ (اقش) سولتۇستىك مۇزدى مۇحيتىمەن تۇيىسەتىن تۇسىنان تۇسىپ كەلىپ، ارگەنتينانىڭ انتاركتيدا جارتى ارالدارىمەن شەكتەسەتىن گورن مۇيىسىنە دەيىنگى ارالىقتى جۇرىپ وتپەك.

«وزىم ارالاعان بارلىق ەلدە بىزدىڭ مەملەكەتىمىزدى، تىلىمىز بەن داستۇرىمىزدى ناسيحاتتاپ جۇرەمىن. بىر قۋانارلىعى ەۋروپا ەلدەرى، ازييا مەن افريكا، پارسى شىعاناعى مەن تمد ەلدەرى ماعان جىلى شۇراي تانىتا وتىرىپ، جاقسى قارسى الىپ وتىردى. اراسىندا وزىمىزدىڭ قاراكوز قانداستار دا كەزدەسىپ قالىپ جاتتى. ۇققانىم الەم حالىقتارى بىزدىڭ مەملەكەتتى بىلەدى، ارى سىيلايدى ەكەن»، – دەدى تالعات جۇمابەكوۆ.

ساياحاتشى كەيىنگى 5 جىلدا 40-تان استام مەملەكەتتە بولىپ، 55 مىڭ شاقىرىم جولدى ارتقا تاستاعان. ونىڭ ايتۋىنشا، ساپار بارىسىندا اۋا-رايىنىڭ قۇبىلۋىنا بايلانىستى ورىن الاتىن قيىندىقتارمەن قاتار، بىر ەلدىڭ اۋماعىنان ەكىنشىسىنە وتەردە قۇجاتقا قاتىستى تۇرلى كەدەرگىلەردىڭ بولىپ تۇرۋى زاڭدى. «كەز كەلگەن ساپاردىڭ وز قيىندىعى مەن تاۋقىمەتى بولاتىنى بەلگىلى. ساياحاتتاۋدان لاززات العىسى كەلگەن ادام قانداي دا قيىندىققا قاسقايا قارسى تۇرا بىلۋى قاجەت. سوندا عانا الدىڭا قويعان ماقساتىڭا دا، ارمانىڭا دا جەتەسىز»، – دەدى ۆەلوشاباندوز.

تالعات مىرزا وسى جولعى ساپارى بارىسىندا قىسقامەتراجدى فيلم تۇسىرىپ قايتپاق.

فوتو: ەربولات شادراحوۆ

0
       

پىكىر جازۋ

كىرۋ
*
*



تىركەلۋ
*
*
*
جاڭا قۇپييا سوز