..."/>
ЗЕРТТЕУ

Жаңа перспектива

Әрбір фотографтың армандаған кадры бар. Стив Уинтер үшін бұл өте жақыннан түсірілген жолбарыс беті болса керек. National Geographic-ке көптен бері үлкен мысықтар мен тұмса табиғатты түсіріп келе жатқан Уинтер үшін негізгі проблема жолбарыстың түскі асына айналып кетпей тың суретке қол жеткізу еді.

Үндістанның Мадхья Прадеш штатындағы Бандхавгарх паркіндегі еркек жолбарыстың бәрі камераны көргенде тұра қашқанымен біреуі жасаған пауза мына сурет үшін жеткілікті болды.

Камера орнатылған төрт дөңгелекті мына аппарат қашықтықтан басқарылады. National Geographic инженерлері құрастырған «камера көлік» бұған дейін еш қолданылмаған. Төменнен үстіге қарай түсіретін потенциалын байқаған Уинтер оны Үндістандағы жолбарысты сақтау жобасының біріне сұрап алады.


Мына ұрғашы Бенгал жолбарысы қорықпаса да камераның жанында өзін ыңғайсыз сезініп, табанымен бірнеше рет салып жіберді.

Іске келгенде оның жұмысы көпке созылған жоқ. Еркек жолбарыстар жолай қоймаған аппаратты қызық көрген ұрғашысы табанымен ұрып, істен шығарды. Абырой болғанда, Уинтердің мерейін өсірген суретті камера түсіріп үлгерген екен.

«Камера көлікті» қайтарғанға дейін ол сол ұрғашының өзі қалаған перспективадағы портретін түсіріп алды.

Авторы: Кэтрин Цукерман, фото: Марк Тиссен

Жарнама
Authorization
*
*



Registration
*
*
*
Password generation