سانى مەن سالتاناتى جاراسقان – ازىرەت سۇلتان

01

سوڭعى 20 جىلدا استانا قالاسىندا جۇزدەگەن عيماراتتار پايدالانۋعا بەرىلىپ، شىعىس پەن باتىستىڭ مادەنيەتى ۇشتاسقان الۋان تۇرلى نىساندار بوي كوتەرسە، ەسىلدىڭ قوس جاعالاۋىندا بۇتىن بىر قالا سالىندى. سولاردىڭ بىرى – ازىرەت سۇلتان مەشىتى. بۇل ورتالىق ازيياداعى ەڭ ۇلكەن مەشىت بولىپ ەسەپتەلەدى. سانى مەن ساۋلەتى كەلىسكەن عيباداتحانا تاۋەلسىزدىك داڭعىلى بويىنداعى بەيبىتشىلىك جانە كەلىسىم، تاۋەلسىزدىك سارايى، قر ۇلتتىق مۋزەي، «قازاق ەلى» مونۋمەنتىنە ىرگەلەس ورنالاسقان.

02

مەشىت جوباسى قازاقتىڭ داستۇرلى ويۋ-ورنەكتەرى، ۇلتتىق ناقىشتاعى ساندىك ەلەمەنتتەر مەن كلاسسيكالىق يسلام ۇلگىسىندە ورىندالسا، ال ونى سالۋمەن اينالىساتىن ماماندار وز ەلىمىزبەن قاتار، تۇركييا جانە يتالييا ەلىنەن شاقىرتىلعان.

ۇش قاباتتان تۇراتىن مەشىتتە دارىسحانا، قۇران وقيتىن ورىندار، نەكە قيياتىن الاڭقايلار، ەرلەرگە ارنالعان 4 مىڭ جانە ايەلدەرگە ارنالعان 1 مىڭ ورىندىق ناماز وقيتىن زال، يمام مەن ازانشىلار وتىراتىن بولمەلەر دە بار. سونداي-اق، وندا كىتاپحانا، ساۋدا ورىندارى مەن اسحانا دا جۇمىس ىستەيدى.

03

جالپى بۇل مەشىتتەگى 4 مۇنارانىڭ ەڭ بيىك نۇكتەسى 77 مەتردەن اسسا، ۇلكەن كۇمبەزىنىڭ بيىكتىگى – 51 مەتردەن جوعارى. قۇرىلىسقا قاجەتتى ماتەريالدار 11 ەلدەن جەتكىزىلىپ، تەحنولوگييالىق جابدىقتارى فرانتسييا مەن جاپونييادان الدىرىلعان.

04

قۇرىلىسى 2009 جىلى باستالعان بۇل مەشىت پايدالانۋعا 2012 جىلى 6 شىلدە دە، قالا كۇنى بەرىلدى. مەشىتتىڭ ىرگەتاسىنان، كۇمبەزىنە دەيىن تۇرعىنداردىڭ جەكە قارجىسىنا تۇرعىزىلعانىن ايتا كەتكەن جون.

فوتو: ەربولات شادراحوۆ

    

پىكىر جازۋ