«بىرلىك بولماي تىرلىك بولماس»

01

قوناعىن قۇدايىنداي سىيلايتىن قازاقتار ەجەلدەن مەيمانىنا زور قۇرمەت كورسەتىپ، قولىنداعى «بارىمەن بازار» قىلعان. ولار تىپتەن ومىرى كورمەگەن، تانىس-بىلىس بولماعان بەيتانىس جانعا قانداي جاعدايدا بولسا دا جىلى شىراي تانىتىپ، «بولىنبەگەن ەنشىسىن» بەرىپ، بولىسىپ وتىرعان.

«بەرەكە باستاۋى بىرلىك، ەل ىشى تاتۋ تىرلىك» قاعيداسىن مىقتاپ ۇستانعان قازاقستاندىقتار ۇشىن ەلىمىزدە جىل سايىن رەسمي تۇردە تويلاناتىن 1 مامىر – قازاقستان حالىقتارىنىڭ بىرلىگى كۇنى مەرەكەسىنىڭ ورنى بولەك. بۇل كۇنى ەل اۋماعىندا تۇرىپ جاتقان 130-دان استام ۇلت پەن ۇلىس وكىلدەرى توس قاعىستىرىپ، بىر بىرىنە دەگەن جىلى لەبىزدەرى مەن ىلتيپاتىن بىلدىرىپ جاتادى.

02

«دوستىق» اتتى بىر شاڭىراق استىنا شوعىرلانعان اربىر ۇلتتىق-مادەني ورتالىقتار مەرەكەدە ان ايتىپ، بي بيلەپ، جالپىحالىقتىق مەيرامدا داستۇر مەن سالتقا تولى تۇرلى كورىنىستەر كورسەتىلەدى. حالىقتىڭ كوڭىل-كۇيىن كوتەرۋ ۇشىن تۇرلى سپورتتىق جارىستار ۇيىمداستىرىلادى.

03

شىندىعىندا، بۇعان دەيىنگى 1 مامىردىڭ مەرەكەلەنۋ تاريحىنا، ونىڭ مازمۇنى مەن سيپاتىنا كوز جۇگىرتسەك، بۇل كۇن تاۋەلسىز قازاقستاندا 1996 جىلدان باستاپ ەلباسى جارلىعىمەن قازاقستان حالقى بىرلىگى كۇنى رەتىندە اتالىپ وتىلىپ كەلەدى. دەگەنمەن، ودان ىلگەرىدەگى كەزەڭدە كەڭەس وداعىنداعى ەڭبەكشىلەردىڭ تاپتىق مەرەكەسى بولعان 1 مامىر تاۋەلسىز قازاقستاننىڭ تاريحىنا ەنگەندە مۇلدەم جاڭا­شا مان-ماڭىزعا يە بولعانى انىق. ايتۋلى كۇن ۇلىستار مەن ۇلتتاردىڭ بىرلىگىنە ۇلىقتاپ، قازاقستانداعى بارلىق ۇلت وكىلدەرىن دە جۇمىلعان جۇدى­رىقتاي تۇتاستىرۋعا ۇندەپ كەلەدى. سويتىپ مامىر مەيرامى بۇگىندە قازاقستان حالقىنىڭ بىرلىگى كۇنى دەگەن مازمۇندا جالعاسىن تا­ۋىپ، كوپەتنوستى ەلدىڭ تىنىشتىعى مەن تاتۋلىعىنىڭ نىشانىنا اينالدى.

04

فوتو: ەرلان وماروۆ، استانا اكىمدىگى

    

پىكىر جازۋ