.

سانا ساۋساعى

MZ3219_20170303_034

ناتاشا دەيلي

سۋرەتتى باعالاۋ ۇشىن بىز، ادەتتە، ونىڭ تۇسىنە، كومپوزيتسيياسىنا جانە رەڭىنە مان بەرەمىز. ال زاعيپ جاندار ونىڭ كەرەمەتىن قالاي سەزىنە الادى؟ ۇستاپ كورۋ ارقىلى ما؟ «قولمەن ۇستاۋ­عا بولمايدى» دەگەن جازۋ ادەتتە بىردەن كوزگە تۇسەدى. بۇرىنعى فوتوگراف دجون ولسون مەن ونىڭ شىعارماشىلىق توبى ۆينسەنت ۆان گوگتىڭ «دوكتور گاشەنىڭ پورترەتى» سەكىلدى كارتينالاردى تولىق تەكستۋرالى 3D فورماتقا اينالدىرۋمەن اينالىسادى.

سيپاپ سەزۋ – كوركەم ونەر تۋىندىسىن كوزسىز تاماشالاۋدىڭ بىر جولى. سەبەبى بىز تەك كوزىمىزبەن ەمەس، سانامىزبەن دە «كورەمىز». ميدىڭ بەيىمدەلۋ قابىلەتىن زەرتتەيتىن نەيروپلاستيكا عىلىمى ميدىڭ كورۋ سەزىمىنە جاۋاپتى قىرتىسى ساۋساقپەن سەزۋ ارقىلى دا ىنتالاندىرىلاتىنىن انىقتادى. گارۆاردتىق نەيروعالىم ەللا ستيرەم-اميتتىڭ ايتۋىنشا، زاعيپ جاندار پىشىندەردى اجىراتۋ ۇشىن باسقا سەزۋ مۇشەلەرىنىڭ كومەگىنە جۇگىنەدى.

13 جاسار ليۋك گاندارياس 7 جاسىندا كورۋدەن قالعان. لەوناردو دا ۆينچيدىڭ «مونا ليزاسىنىڭ» 3D نۇسقاسىن ۇستاپ كورگەن ول: «سىز نە كورىپ تۇرساڭىز، مەن سونى سەزىنەمىن»، – دەپ ايتقان ەكەن.

ليۋك ۇشىن بۇل ەركىندىكتى بىلدىرەدى.

فوتو: رەبەككا حەيل، NG جۋرنالىنىڭ قىزمەتكەرى. سۋرەتتى 3D PHOTO WORKS دايىنداعان.

       

پىكىر جازۋ