.

دالاداعى ۇيقى ەم ەكەن

نينا ستروچليك

جاساندى جارىقتاندىرۋ ۇيقىمىزدى وزگەرتتى. بوستونداعى بريگام جانە ايەل­دەر اۋرۋحاناسىنىڭ ۇيقى زەرتتەۋشىسى ەندريۋ ماكحيللدىڭ ايتۋىنشا، جارىقتى باقىلاۋ قابىلەتى ادامدارعا «وزدەرىنىڭ سەرگەكتىك ارەكەتتەرىن تۇننىڭ بىر ۋاعىنا، ىشكى بيولوگييالىق ساعات ۇيقىعا تارتاتىن ۋاقىتقا ىسىرۋعا» مۇمكىندىك بەردى.

كەي تاريحشىلار كوشە شامدارى قولدانىسقا ەنگەلى ۇيىقتاۋ ۋاقىتى كەيىنگە شەگەرىلگەنىن ايتادى. بۇگىندە عالىمدار ۇيالى تەلەفونىمىزدان بولىنەتىن كوك ساۋلەلەر تسيركادالىق ريتمدى تۇرلەندىرە الاتىنىن انىقتادى. بۇل 24 ساعاتتىق بيولوگييالىق تسيكلدى وزگەرتۋ ۇيىقتاۋعا كومەكتەسەتىن مەلاتونين سەكىلدى گورمونداردىڭ تەپە-تەڭدىگىن بۇزادى.

ايتسە دە، بۇل ساعاتتى قايتا قالپىنا كەلتىرۋگە بولادى ەكەن. ماكحيلل جانە ونىڭ ارىپتەستەرى لاگەرگە ساياحاتتاۋ تسيركادالىق ريتمنىڭ بۇزىلۋىن رەتكە كەلتىرەتىنىن انىقتادى. جۇلدىزدى اسپان استىندا ۋاقىت وتكىزۋ – مەلاتونين دەڭگەيىن كوبەيتىپ، ۇيقى تارتىبىن قالپىنا كەلتىرەدى، سوندىقتان ادامدار تابيعي جاعدايدا ەرتە جاتىپ، ەرتە تۇرادى.

فوتو: كەيت لادزينسكي، NATIONAL GEOGRAPHIC CREATIVE

       

پىكىر جازۋ