.

باقتالاس

نينا ستروچليك

2015 جىلى ناسا امەريكا مەن كسرو اراسىنداعى عارىش باقتالاستىعىن كورسەتەتىن اق-قارا تۇستى فوتولار كومبەسىن جارييالادى. سۋرەتتەردە شيەلەنىسكەن ساتتەگى باسقارۋشى-ورتالىقتاعى توپ، اپوللو ميسسيياسىنىڭ باعدارلاما كودى قاسىندا تۇرعان ينجەنەرلەر مەن مارقۇم دجون گلەننىڭ (تومەندە) جاس عارىشكەر كەزىندەگى ۇشۋعا ازىرلىك ساتى كورسەتىلگەن. اتالعان مىڭداعان سۋرەتتى ونلاين اقتارعانداردىڭ اراسىندا مۋرريسك اۋىلىنان شىققان فوتوگراف، يرلاندييالىق مەتت لوفرەي دە بولدى.

لوفرەيدىڭ اكەسى وعان عارىش باقتالاستىعى تۋرالى ايتىپ وتىراتىن، الايدا سونىڭ بارى بىرسارىندى جانە الىس كورىنەتىن. ول وزىنىڭ 7 جاسار ۇلىن «بۇرىن الەم اق-قارا تۇستى بولدى ما» دەگەن سۇراقتى قويعاندا بىرتۇرلى اياپ كەتتى. «مەن ونىڭ قىراعى باقىلاۋعا تاپ كەلگەنىن تۇسىندىم»، – دەيدى لوفرەي. ول ۇلىنا الەم اردايىم تۇرلى-تۇستى بولعانىن، الايدا ونى تۇسىرەتىن قۇرالداردىڭ وزگەرگەنىن ايتتى.

تاجىريبە رەتىندە اجەسىنىڭ سۋرەتىن بوياعان لوفرەي ناسا فوتولارىنىڭ تۇرلى-تۇستى نۇسقاسى عالىمداردىڭ قانشالىقتى قىزىقتىراتىنىن ەلەستەتتى. 300 ساعاتتان كەيىن لوفرەي ونداعان سۋرەتتى وزگەرتتى.


يەسىن تاپقان ماراپات

National Geographiس قوعامىنىڭ جەتەكشى عالىمدار مەن زەرتتەۋشىلەرگە ارنالعان بەدەلدى حاببارد ماراپاتى استروفيزيك نيل دەگراسس تايسونعا بۇيىردى.

جۇلدىز شاڭدارىنىڭ داقتارى، راديو تەلەس­كوپتىڭ ساۋلەلى شوۋى جانە بولاشاقتاعى عارىشقا ساياحات تۋرالى وقۋ ۇشىن «National Geographicتىڭ» الداعى نومىرىن قاراڭىز.

فوتو: ناسا، بويالعان سۋرەت مەتت لوفرەيگە تيەسىلى، مەنىڭ تۇرلى-تۇستى وتكەنىم

       

پىكىر جازۋ