.

انشى سامىرقۇس

سامىرقۇس (Bombycilla garrulus) – تورعايتارىزدىلەر وتريادىنا جاتاتىن جىلقۇستارى ىشىندە ان سالاتىندىعىمەن ەرەكشەلەنەدى. سالماعى 40-83 گر شاماسىندا، ايدارى بار، قاۋىرسىندارى تۇرلى تۇسپەن بويالعان ەرەكشە ادەمى قۇس. ارالارىندا قارا تۇستەرى دە كەزدەسىپ تۇرادى.

توبەسىندە ۇلكەن ايدارى، ۇستىڭگى تۇمسىقتىڭ ۇشىندا كىشكەنتاي تىسشەلەرى بولادى. اياقتارى جۋان، قاناتتارى ۇشكىر، قۇيرىعى تىك، ارى قىسقا بولىپ كەلەدى.

ولار كوبىنە شەتەن، ايۋبادام، قاراستى جيدەكتەرى، جيدە جانە جابايى الما اعاشتار وسكەن  ورماندار مەن باقتاردا مەكەندەيدى. سامىرقۇستى توپ-توبىمەن ۇشىپ جۇرگەنىن قىركۇيەك ايىنىڭ اياعى مەن قاراشانىڭ باسىندا كەزدەستىرۋگە بولادى. كوبىنە قىلقان جاپىراقتى ورمانداردا ۇيا سالادى. ۇياسىنىڭ قۇرىلىسى وزگەشە شار تارىزدەس بولىپ كەلەدى. بىر ماۋسىمدا 4-6-عا دەيىن بالاپان باسىپ شىعارادى.

قورەكتەرىنە بايلانىستى قالالار مەن ەلدىمەكەندەر ماڭىندا قىستايدى.

سامىرقۇس ەۋرازييانىڭ سولتۇستىگى جانە سولتۇستىك امەريكا جەرىندە كەڭ تارالعان.

فوتو: ميحايل شپيگەلمان

       

پىكىر جازۋ