.

امال كەلدى، جىل كەلدى!

كورىسۋ – ەلىمىزدىڭ باتىس وڭىرىندە ساقتالعان ەجەلگى داستۇرلەرىنىڭ بىرى. 14 ناۋرىزعا سايكەس كەلەتىن مەرەكەنى كورىسۋ كۇنى، امال مەرەكەسى دەپ تە اتايدى.

بۇل كۇندى باتىستىقتار تاڭ اتىسىمەن ۇي-ۇيدى ارالاپ، بىر-بىرىن امال مەرەكەسىمەن قۇتتىقتاۋدان باستايدى. جاسى ۇلكەندەر كىشىلەردى كۇتىپ، كەلگەندەرگە «بىر جاسىڭمەن! جاس قايىرلى بولسىن، ومىر جاسىڭ ۇزاق بولسىن!» دەپ باتا بەرەدى. وسى كۇنى ار ۇيدە داستارحان جايىلىپ، ەسەندىك سۇراسادى، كوڭىلدە بۇرىنعى وكپە-رەنىشى بولسا كەشىرىسەدى.

كورىسۋ – تەك ادامداردىڭ بىر-بىرىنە امانداسىپ، جاقسىلىق تىلەيتىن قاۋىشۋ مەرەكەسى عانا ەمەس، ول سونداي-اق، جاسى ۇلكەندەرگە ىزەت كورسەتىپ، ىلتيپات بىلدىرەتىن داستۇر ىسپەتتى.

سايىپ كەلگەندە، بۇل مەرەكە قازاق حالقىنىڭ وسكەلەڭ ۇرپاقتى ىزەتتىلىك پەن مەيىرىمدىلىككە، اۋىزبىرشىلىك پەن كىشىپەيىلدىلىككە، تاتۋلىق پەن باۋىرمالدىققا باستايتىن ەرەكشە ۇردىستەرىنىڭ بىرى دەسەك تە بولاتىنداي.

كورىسۋ مەرەكەسى باتىس قازاقستان، اتىراۋ، اقتوبە جانە ماڭعىستاۋ وبلىسىندا، رەسەيدىڭ استراحان، ساراتوۆ، ورىنبور وڭىرلەرىندە، قاراقالپاقستاندا كەڭىنەن اتالىپ وتىلەدى. ايتا كەتەر جايت، سوڭعى جىلدارى بۇل مەرەكە ەلىمىزدىڭ وزگە ايماقتارىندا دا تويلانا باستاعان.

 

فوتو: سەرىك ماەمەروۆ، سارسەنبەك قىزايبەكۇلى، اناتوليي ۋستينەنكو


ماقالانىڭ تولىق نۇسقاسى مەن الەمدىك زەرتتەۋلەردىڭ قاينار كوزىنە قول جەتكىزگىڭىز كەلسە، shopnationalgeographic.kz ارقىلى ونلاين جازىلىڭىز.

       

پىكىر جازۋ