.

الەمدەگى ەڭ سۋىق قالا

دۇنيەجۇزىندەگى ەڭ سۋىق دەپ تانىلعان ياكۋتسك قالاسىندا 300 مىڭ ادام ومىر سۇرەدى. تۇرعىندار ايازدى كۇندەرى دە دۇكەندەردى بالىقپەن تولتىرا بەرمەك.

جەنەۆالىق فوتوتىلشى ستيۆ يانكەر جەر بەتىندەگى ەڭ بيىك نۇكتەدە ورنالاسقان ارى ەڭ لاس قالالار بويىنشا زەرتتەۋ جۇمىس­تارىن جۇرگىزدى. «ەكسترەمالدى قالالار» دەپ اتاعان جوباسىنا يانكەر قالا حالقىنىڭ كۇندەلىكتى ومىرىندەگى تاڭعاجايىپ كورىنىستەردى سۋرەتكە تۇسىرىپ جۇر. وسى اۋەستىگى ونى رەسەيدىڭ ياكۋتسك قالاسىنان بىر-اق شىعاردى.

سىبىردەگى ساحا رەسپۋبليكاسىنىڭ استاناسى – ياكۋتسك كوپتەگەن اقپارات كوزىندە «دۇنيەجۇزىندەگى ەڭ سۋىق قالا» دەپ كورسەتىلەدى. «الەمنىڭ باسقا ەش جەرىندە دال مۇنداي ساقىلداعان سارى اياز جوق»، – دەيدى يانكەر. دەگەنمەن جازدا اۋا تەمپەراتۋراسى 29º ىستىق، ال قىستى كۇندەرى ورتاشا اۋا تەمپەراتۋراسى -40º، كەيدە تىپتى -64º-قا دەيىن تومەندەيتىن كەزدەرى دە بولادى.

يانكەردىڭ ايتۋىنشا، ەكسترەمالدى سۋىق قالالاردىڭ ىشىندە بۇل شاھاردا جۇمىس ىستەۋ وڭايعا تۇسكەن جوق. سەبەبى كۇن سايىن نە قار جاۋادى، بولماسا قالىڭ تۇمان تۇسىپ، اينالا مۇز قۇرساۋىندا قالىپ قويىپ جاتادى. ال فوتوسۋرەتتەردىڭ شىنايى شىعۋى ۇشىن ارا-تۇرا قارا جەر بەدەرىن دە تۇسىرۋ كەرەك. «قاتتى ايازدا جۇمىس ىستەۋ وڭاي ەمەس. اياز فوتواپپاراتتى لەزدە ىستەن شىعارادى»، – دەيدى ستيۆ.

يانكەر «ەكسترەمالدى اۋا رايى تۇرعىندار مىنەز-قۇلقى مەن سانا-سەزىمدەرىنە كەرى اسەر ەتە مە» دەگەن ماسەلەنى زەرتتەۋدە.

اۆتورى: پاتريسييا ەدموندس، فوتو: ستيۆ يانكەر، Agence VU/Redux Pictures


ماقالانىڭ تولىق نۇسقاسى مەن الەمدىك زەرتتەۋلەردىڭ قاينار كوزىنە قول جەتكىزگىڭىز كەلسە، shopnationalgeographic.kz ارقىلى ونلاين جازىلىڭىز.

       

پىكىر جازۋ