.

قارا ايۋ قالاي اعارعان؟

مىڭداعان جىل بويى تىنىق مۇحيتى جاعالاۋىندا ومىر كەشكەن كانادانىڭ جەرگىلىكتى كيتاسۋ حالقى بۇل ايۋ جايلى اڭىزدى بىلەتىن. ۇلكەندەردىڭ ايتۋىنشا، Raven نەمەسە قارعا قۇداي جەردى قاتقان تاستان جاسىل جەلەككە اينالدىرعان. بىراق مۇز داۋىرىنىڭ ەستەلىگى رەتىندە ار 10 قارا ايۋدىڭ بىرەۋىن اق ەتىپ قالدىرعان. ونىڭ رەسمي اتاۋى – كورمود. جەرگىلىكتى تۇرعىندار ولاردى ايۋ، ارۋاق، رۋح دەپ اتاسا، كەيبىرى ولاردى اۋليە نە ادەتتەن تىس جاراتىلىس دەپ سەنەدى.

بۇل ايۋلار تۋرالى دەرەكتەردىڭ ارتىندا تەك اڭىز ەمەس، ارينە، عىلىم دا بار. ولاردىڭ تەگى جانە تۇرى – امەريكا قارا ايۋى. بىراق اتالىق پەن انالىقتىڭ پيگمەنت وندىرۋگە اسەر ەتەتىن گەندەرىندە مۋتاتسييا بولسا، تولىنىڭ جۇنى اققا اينالادى. مۇنى دالەلدەۋ ۇشىن عالىمدار ايۋ تۇگىنىڭ ۇلگىلەرىن جيناۋ ماقساتىندا زاماناۋي قۇرالداردى پايدالاندى. كەيىننەن ولاردىڭ دنق-سىن تەكسەردى. 220 ايۋدىڭ ىشىندەگى 22-سىنە اتا-اناسىنان بىردەي گەن بەرىلگەن جانە بارىنىڭ تۇسى – اق.

كۇيەككە تۇسۋ ماۋسىمى مامىردان باستالىپ، شىلدەگە دەيىن سوزىلادى. باسقا دا ايۋ تۇرلەرى سەكىلدى ۇرىقتانعان ەمبريون انالىقتىڭ جاتىرىندا ۇزاق جاتادى. ەگەر ۇرىق السىز بولسا، ەمبريوندار كوبەيمەي، انالىق سول جىلى بەدەۋ قالادى. كۇشتى  ەمبريوندار كۇزگە تامان ۇرىقتانىپ، قىستا بىردەن بەسكە دەيىن قونجىق ەرتەدى.

قىسقا قوڭ جيناۋ ماقساتىندا ايۋلار كۇز كۇندەرىن سالمان اۋلاۋعا جۇمسايدى. قارا ايۋعا قاراعاندا اقتارى كۇندىز بالىقتى ەكى ەسە كوپ اۋلايدى ەكەن. ويتكەنى اق ايۋ اسپاننىڭ كوگىلدىر تۇسىمەن استاسىپ، كورىنبەي قالاتىن سەكىلدى.

كيەلى ايۋ:

مەكەندەۋ ايماعى: بريتانييا كولۋمبييا­سىنداعى ۇلكەن ايۋ جاڭبىرلى ورمان ارالدارى مەن جاعالاۋى.

قورعالۋ مارتەبەسى: بۇل ايۋلار جەردە سيرەك كەزدەسەدى، سانى بىرنەشە جۇزدىڭ شاماسىندا.

باسقا دەرەكتەر: Ursus americanus kermodei ەسىمى ولاردى العاش تاپقان فرانكيس ك. قۇرمەتىنە قويىلعان.

اۆتورى: پاتريسيا ەدموندس

فوتو: پول نيكلەن، NATIONAL GEOGRAPHIC CREATIVE


ماقالانىڭ تولىق نۇسقاسى مەن الەمدىك زەرتتەۋلەردىڭ قاينار كوزىنە قول جەتكىزگىڭىز كەلسە، shopnationalgeographic.kz ارقىلى ونلاين جازىلىڭىز.

       

پىكىر جازۋ