Сұлтан-епе қасиеті — National Geographic Qazaqstan
.

سۇلتان-ەپە قاسيەتى

«سۇلتان-ەپە جەراستى مەشىت-قورىمى» تۇپقاراعان اۋدانى، تاۋشىق اۋىلىنان سولتۇستىك-باتىسقا قاراي 30 شاقىرىم جەردەگى سايدا ورنالاسقان. سۇلتان اتا مەشىتى دال قازىرگى ۋاقىتتا دىني ساۋلەت ونەرى ەسكەرتكىشتەرىنىڭ قاتارىنا كىرىپ وتىر.

سايدىڭ جوعارعى بولىگىندەگى تاستاق قاباتتان ويىپ تۇرىپ سالىنعان مەشىت بىر-بىرىنە جالعاسقان 11 بولمەدەن تۇرادى. بولمەلەردىڭ توبەسىنەن جارىق تۇسىرۋ ۇشىن ويىقتار قالدىرىلعان. سول جەردەگى قورىمدا سىرىق اعاشتارى شانشىلعان ەكى دوڭگەلەك تاس قورشاۋدىڭ ورتاسىنداعىسى سۇلتان-ەپەنىڭ زيراتى بولىپ تابىلادى.

ونىڭ ەسىمى ەل ىشىندە «باھرعاني» جازباسىنىڭ يەسى جانە سۋ اپاتىنان ساقتاۋشى رەتىندە بەلگىلى بولعان. جەرگىلىكتى تۇرعىندار سۋ اپاتى كەزىندە جانە كۇن كۇركىرەگەندە دە وسى ادامنىڭ اتىن اتايدى.

ولكەدەگى كوپتەگەن تاريحي ورىندار 12 عاسىردا ومىر سۇرگەن قازاق دالاسىنىڭ ويشىلى، عۇلاما، پوەزيياداعى سوپىلىق ىلىمنىڭ ناسيحاتشىسى قوجا احمەت ياساۋي ەسىمىمەن بايلانىستى.

مەشىت 1993 جىلدان باستاپ مەملەكەتتىك قورعاۋعا الىنعان.

فوتو: ەربولات شادراحوۆ

       

پىكىر جازۋ