Байлық – байлық емес, бірлік – байлық! — National Geographic Qazaqstan
.

بايلىق – بايلىق ەمەس، بىرلىك – بايلىق!

جەر بەتىندەگى 130-دان استام ۇلت پەن ۇلىسقا پانا بولعان قازاق حالقى قاي زاماندا دا وزىنىڭ اقجارقىن پەيىلى، تازا نيەتىمەن ەرەكشەلەنگەن. بىزدىڭ كەڭ بايتاق ەلىمىز قاشان دا وزگە ۇلت وكىلدەرىن قۇرمەتتەپ، قولىنداعى سوڭعى نانىمەن بولىسىپ، كەز كەلگەنىن باۋىرىنا باسقانى بەلگىلى. سوندىقتان دا بولار وسى كۇنى ەلىمىزدە تۇراقتىلىق پەن بەيبىتشىلىك ۇزدىكسىز سالتانات قۇرىپ كەلە جاتقانىن ماقتانىشپەن ايتا الامىز.

«بەرەكە باستاۋى بىرلىك، ەل ىشى تاتۋ تىرلىك» قاعيداسىن مىقتاپ ۇستانعان قازاقستاندىقتار ۇشىن ەلباسىنىڭ جارلىعىمەن 1996 جىلدان بەرى جىل سايىن رەسمي تۇردە تويلاناتىن 1 مامىر – قازاقستان حالىقتارىنىڭ بىرلىگى كۇنى مەرەكەسىنىڭ ورنى بولەك. سەبەبى بۇل كۇنى ەل اۋماعىندا تۇرىپ جاتقان جەرگىلىك ۇلت پەن دياسپورا وكىلدەرى توس قاعىستىرىپ، بىر بىرىنە دەگەن جىلى لەبىزدەرى مەن ىلتيپاتىن بىلدىرىپ جاتادى.

بۇل كۇنى «دوستىق» اتتى بىر شاڭىراق استىنا شوعىرلانعان اربىر ۇلتتىق-مادەني ورتالىقتاردىڭ وكىلدەرى ان ايتىپ، بي بيلەپ، جالپىحالىقتىق مەيرامنىڭ جوعارعى دەڭگەيدە وتۋىنە بىر كىسىدەي اتسالۋدى داستۇرگە اينالدىرعان.

1 مامىر مەيرامى بۇگىندە كوپەتنوستى ەلدىڭ تىنىشتىعى مەن تاتۋلىعىنىڭ نىشانىنا اينالىپ ۇلگەردى.

فوتو: اناتوليي ۋستينەنكو

       

پىكىر جازۋ