.

ۇلتتىڭ قايماعى ساقتالعان قۇت مەكەن

ەلىمىزدىڭ تەرەڭ تامىرلى تاريحىندا بۇرىنعى وڭتۇستىك قازاقستان، قازىرگى تۇركىستان وبلىسىنىڭ الار ورنى ەرەكشە. وزىنىڭ پايدا بولىپ، قالىپتاسۋىندا تۇركىستان وبلىسىنىڭ – كۇللى تۇركى حالىقتارىنا ورتاق، الەمگە ايگىلى قاسيەتتى دە كيەلى مەكەنى عانا ەمەس، سۇلتاندىقتار مەن حاندىقتاردىڭ استاناسى، وردا جۇرتى بولعان.

سول كيەلى مەكەن ەلباسى نۇرسۇلتان نازارباەۆتىڭ جارلىعىمەن وبلىس ورتالىعى بولىپ جارييالانعان بويدا دامۋدىڭ جاڭا داڭعىل جولىنا تۇستى. ەلىمىزدىڭ الەۋمەتتىك-ەكونوميكالىق جاعدايى، مادەنيەتى مەن ادەبيەتى، تىلى مەن دەموگرافييالىق احۋالىن جاقسارتۋدا بۇل ايماقتىڭ قوسىپ وتىرعان ۇلەسى زور.

قازىرگى تۇركىستان وبلىسى تۇرعىندار سانى جاعىنان الماتى وبلىسىنا (2،017 ملن) عانا ەسە جىبەرىپ العانى بولماسا، بالا تۋۋ جانە حالقىنىڭ  ورنالاسۋ تىعىزدىعى (1 كم²-گە 17 ادامنان كەلەدى) جاعىنان كوشباسشى ورنىن ساقتاپ قالا الدى. وبلىس ورتالىعى شىمكەنت قالاسى بولىپ تۇرعان شاقتا تىركەۋدە 2،6 ملن ادام بولعان.

قر ستاتيستيكا كوميتەتى تاراتقان مالىمەتكە قاراعاندا، 2018 جىلدىڭ قاڭتار-ماۋسىم ايلارىندا رەسپۋبليكا بويىنشا اربىر 7-شى تۋىلعان بالا (26 103 نارەستە) تۇركىستان وبلىسىندا دۇنيەگە كەلگەن. بۇل وسى ايلار ارالىعىندا اتىراۋ، پاۆلودار، سقو مەن قوستاناي وبلىسىندا تۋعان نارەستەلەر سانىمەن پارا-پار. بۇگىندە تۇركىستان وبلىسىنىڭ تۇرعىندار سانى (1،6 ملن) رەسپۋبليكا حالقىنىڭ 10،7 پايىزىن قۇراپ وتىر.

وبلىستىڭ نەگىزى 1932 جىلدىڭ 10 ناۋرىزىندا قالاندى. 1962 جىلدىڭ 3 مامىرىنان 1992 جىلدىڭ 6 شىلدەسىنە دەيىن شىمكەنت وبلىسى دەپ اتالسا، 1992 جىلى وبلىسقا بۇرىنعى – وڭتۇستىك قازاقستان اتاۋى قايتارىلدى. ال 2018 جىلى 19 ماۋسىمدا تۇركىستان وبلىسى دەپ وزگەرتىلدى.

فوتو: سارسەنبەك قىزايبەكۇلى

0

Publication author

offline 5 كۇن

ايبەك

0
Comments: 3Publics: 710Registration: 01-10-2016
       

پىكىر جازۋ

كىرۋ
*
*
تىركەلۋ
*
*
*
*
Password generation