.

ولسە دە «تىرى»

تاكسيدەرمييا سۋجۇرەك اينالىساتىن ىس ەمەس. ونەردىڭ بۇل تۇرى جانۋارلاردىڭ قاڭقالارىن ارالاۋ، قىرۋ، قۇلاق پەن باسقا جەرلەرىن بولشەكتەۋ سەكىلدى تۇلىپ قۇراستىرۋ پروتسەسىنەن تۇرادى. الىنعان تەرى كۇيدىرىلىپ، مانەكەنگە كيگىزىلىپ، تىگىلەدى. ماقسات – جانۋاردى تىرى كەزىندەگىدەي قاز قالپىندا ساقتاۋ. لوس-انجەلەس وكرۋگىندەگى ۇلتتىق تاريح مۋزەيىنىڭ تاكسيدەرميسى تيموفەي بوۆارد كوپتەگەن جانۋارعا وسىلاي «جان بىتىرگەن». الايدا، وزىنىڭ ايتۋىنشا، كەيبىرەۋلەرىنە تيىسپەيدى. «وزىمنىڭ ۇي جانۋارلارىممەن ولاي ىستەمەيمىن»، – دەيدى ول.

  1. قىرۋ پىشاعى. دايىندىق جانۋاردىڭ تەرىسىن كەيدە قىرۋ پىشاعى نە ەت كەسەتىن ماشينامەن جۇقارتۋدان باستالادى.
  2. ەگەۋىشتەر. كوبىكتى مانەكەننىڭ بۇلشىق ەتتەرىمەن بىرگە باسقا دا اناتوميياسىن جاساۋعا ەگەۋىشتەر پايدالانىلادى.
  3. بولات قايراق. پىشاقتىڭ جۇزىن وتكىرلەۋ ۇشىن كەرەك.
  4. جالعان كوز الماسى. شىنى كوزدەر بۇرىنعىدان دا شىنايى كورىنەدى.
  5. مۇسىندەۋ قۇرالدارى. كەي تاكسيدەرميستەر جانۋاردىڭ تەرىسىمەن قاپتالعان كوبىكتى مانەكەنگە پىشىن بەرۋ ۇشىن ساز قولدانادى.
  6. شتانگەنتسيركۋل. ۇلگى نە مۇسىننىڭ دەنە بولىكتەرىن ولشەۋ قۇرالى.
  7. قايقى پىشاق. تەرىدەگى ەت پەن مايدى سىلىپ الۋ قۇرالى.
  8. ىسكەك پەن تەگىستەۋ قۇر. قاۋىرسىندى تازالاۋ سيياقتى مۇقييات ورىندالاتىن جۇمىسقا شاعىن قۇرالدار مەن ەپتىلىك كەرەك.
  9. قايشى. كوزدەردى وڭاي شۇقىپ الۋ ۇشىن ارى قيىن تۇستارعا جەتۋ ۇشىن ۇلكەن قايشى كەرەك.
  10. ۇلگى. قىزىل تاجدى توتىقۇس قۇراستىرۋعا دايىن.
  11. اەروگراف. جالاڭاش تەرىنى بوياۋعا قولدانىلادى.
  12. شاش قىستىرعىش.قۇس كەپكەن كەزدە قاۋىرسىندارىن ۇستاپ تۇرۋ ۇشىن قاجەت.
  13. تازارتۋعا ارنالعان پىشاقتار. مۇنداي پىشاقتار – سىلۋعا، قۇلاقتىڭ ىشىن سىرتىنا اينالدىرۋعا، ەرىندى تىلۋگە تاپتىرماس دۇنيە.

اۆتورى: كاتەرينا تسۋكەرمان، فوتو: مارك تيسسەن


ماقالانىڭ تولىق نۇسقاسى مەن الەمدىك زەرتتەۋلەردىڭ قاينار كوزىنە قول جەتكىزگىڭىز كەلسە، shopnationalgeographic.kz ارقىلى ونلاين جازىلىڭىز.

0
       

پىكىر جازۋ

كىرۋ
*
*



تىركەلۋ
*
*
*
جاڭا قۇپييا سوز