.

كيت اۋلاۋ ماۋسىمى

ۋمياك – بىلعارى قايىق مىنگەن شاعىن توپ كيت جۇرگەن اۋماققا بارا جاتىر.

الياسكانىڭ جەرگىلىكتى ينۋپيات حالقى كوشىپ كەلەتىن كيتتەردى مۇز ۇستىندە اپتالاپ كۇتەدى.

نورت-سلوۋپتاعى ينۋپيات قاۋىمى كيت اۋلاۋدى وزدەرىنىڭ اتا كاسىبى سانايدى. كوكتەم ايلارىندا ەركەگى مەن ايەلى بار – تۇگەلىدەي «تۋۆاق» دەپ اتالاتىن جاعالاۋدا بەرينگ تەڭىزىنەن كانادالىق اركتيكاعا جۇزىپ كەلەتىن پوليار كيتتەرىن اپتالاپ كۇتەدى. بىرەۋىنىڭ توبەسى كورىنسە بولدى ۋمياك قايىعى سۋعا تاستالادى. ادەتتە، ولاردىڭ كيتتى گارپۋنداۋعا بىر عانا مۇمكىندىگى بولادى. ەگەر اڭشىلىق ساتتى وتسە، ار وتباسى ەتتەن وز ۇلەسىن الادى.

اۋلانعان پوليار كيتىنەن مىڭداعان كيلو ەت الىنادى. ساتتى اڭشىلىقتىڭ پايداسىن ناناي قاۋىمداستىعىنىڭ اربىر مۇشەسى كورۋى ۇشىن كيت جىلىكتەلىپ، ەتى مەن سۇيىق مايى تەڭدەي ۇلەستىرىلەدى. «بۇل جاقتاعى مانساپتىڭ شىڭى – كيت اۋلاۋ توبىنىڭ كاپيتانى بولۋ، – دەيدى فوتوگراف كيليي يۋيان، – بۇل – بىر اۋىلدى اسىراپ وتىرعان تىرلىك».

داستۇر ساباقتاستىعىنىڭ بۇل وقيعاسى جەرگىلىكتى فوتوگراف كيليي يۋياندى تانتى ەتتى. ول بايىرعى ناناي اڭشىلارىنىڭ، وڭتۇستىك-شىعىس سىبىر مەن سولتۇستىك قىتاي بالىقشىلارىنىڭ ۇرپاعى بولىپ تابىلادى. «جەرگىلىكتى حالىقتى مەشەۋ نەمەسە بەيشارا ەتىپ باياندايتىندار بۇل قوعامنىڭ كۇردەلىلىگىن نازاردان تىس قالدىرىپ الاتىن كورىنەدى. ولاردىڭ ۇمىتى مەن قۋانىشىن كوزبەن كورۋ ۇشىن سولارمەن بىرگە بولۋىڭىز كەرەك»، – دەيدى يۋيان.

پوليار كيتتەرى سۋىق سۋعا ابدەن بەيىمدەلگەن. چۋكوت پەن بوفورت تەڭىزدەرى ارقىلى جىل سايىنعى ميگراتسيياسى كەزىندە اڭشىلار ولاردىڭ قالىڭدىعى جارتى مەترلىك مۇزدى جارىپ، تىنىس العانىن بايقاعان.

بەس جىلدىڭ ىشىندە يۋيان 10 اي بويى ۋتكياگۆيكتەگى ينۋپيات قاۋىمىمەن ومىر سۇردى. وسى كيتتەر ۇشىن ول وزگەلەردەن قالماي مۇز ۇستىندە تىگىلگەن شاتىردا تۇنەپ، تىپتى تۇنگى كەزەككە سۇراناتىن. الىپ قاراسى كورىنگەندە باقىلاۋشى بەلگى بەرىپ، توپ مۇشەلەرىن ىسكە كىرىسۋگە شاقىرادى. «كيت جاقىنداعانىن بىردەن بىلەسىز، – دەيدى ول، – ولار تۋپ-تۋرا انشى سەكىلدى ان سالادى».

اڭشى جاقىن ماڭداعى كيتتەردىڭ «انىن» ەستۋ ۇشىن سۋعا قۇلاق تۇرۋدە.

اۆتورى: دانيەل ستوۋن، فوتو: كيليي يۋيان


ماقالانىڭ تولىق نۇسقاسى مەن الەمدىك زەرتتەۋلەردىڭ قاينار كوزىنە قول جەتكىزگىڭىز كەلسە، shopnationalgeographic.kz ارقىلى ونلاين جازىلىڭىز.

0
       

پىكىر جازۋ

كىرۋ
*
*



تىركەلۋ
*
*
*
جاڭا قۇپييا سوز