.

باس ومارتاشى

«ىزىڭداعان» اق ۇي. 2009 جىلدان بەرى ارانىڭ بىرنەشە كولونيياسىنا باس-كوز بولىپ كەلگەن چارلي براندتس ەلدىڭ باس ۇيىنە كىرەمىن دەپ ەش ويلاماسا كەرەك. سول جىلى اقش-تىڭ بىرىنشى حانىمى بولعان ميشەل وباما باقشاسىنداعى وسىمدىكتەرىن توزاڭداندىرۋ ۇشىن ارانىڭ بىر ۇياسىن الدىرتادى. ارا بەرگەن ونىم پرەزيدەنت رەزيدەنتسيياسىنىڭ اس مازىرىنە كىرىپ، بال سىيلىق رەتىندە دە ۇسىنىلعان ەكەن. الايدا كەنە سەكىلدى زييانكەس بارىن بۇلدىرۋى مۇمكىن. وسىنداي كەزدە براندس ىسكە كىرىسەدى. «وز ىسىنىڭ شەبەرى بولساڭ، سەنى اق ۇي وزى-اق تاۋىپ الادى»، – دەيدى ول.

  1. استاۋ. قىسقا جەتكىلىكتى كومىرسۋ جيناۋى ۇشىن ارالارعا كۇزدە قانت سيروپى مىناداي استاۋمەن بەرىلەدى.
  2. تۇتىندەتكىش. ومارتالاردى تەكسەرۋ نە تاسىمالداۋ كەزىندە ۇياشىق ىشىنە جىبەرىلەتىن بۋداق-بۋداق تۇتىن ارالاردى تىنىشتاندىرادى.
  3. بەتپەردە. ونى جاكەتكە سىدىرما ىلگەكپەن جالعاۋعا بولادى. تور ومارتاشىنىڭ باسى مەن كوزدەرىن قورعايدى.
  4. جاكەت. يىلگىش جەڭ مەن شالبار­­ ارانىڭ شاعۋىنان قورعاپ، كيىمدى تازا ۇستايدى.
  5. لۋپا. ۇڭىلىپ قاراۋ ۇشىن كەرەك.
  6. تۇتىك پەن بوياۋ. پاتشايىمدى وڭاي اجىراتۋ ۇشىن ارقاسىنا بوياۋ جاعىلادى.
  7. اعاش رامكالارى. ومارتا قورابىنىڭ ىشىندەگى سالىنبالى رامكالار ۇياشىقتاردى ۇستاپ تۇرۋ ۇشىن كەرەك.
  8. بال. اق ۇيدىڭ بالى سالىنعان ىدىس، بۇل بال 2011 جىلدىڭ جازىندا الىنعان.
  9. قاشاۋ. ومارتا قورابىنان رامكالاردى شىعارۋ، قىرناۋ مەن سىعالاۋ ۇشىن كەرەك.
  10. جاباتىن قالقان. تۇرلى قوعامدىق شارا كەزىندە ومارتا جابىلادى.
  11. بوياۋ ششەتكاسى. بال جيناۋ كەزىندە ششەتكانىڭ كومەگىمەن ارالاردى رامكالاردان بولىپ جىبەرۋگە بولادى.
  12. سابان. تۇتىن شىعاراتىن وتىن رەتىندە دە، ومارتانى يزولياتسييالاپ، ىشىندەگى ىلعالدى ساقتاۋ ۇشىن دە سابان كەرەك.

اۆتورى: كەترين تسۋكەرمان، فوتو: رەبەككا حەيل


ماقالانىڭ تولىق نۇسقاسى مەن الەمدىك زەرتتەۋلەردىڭ قاينار كوزىنە قول جەتكىزگىڭىز كەلسە،
shopnationalgeographic.kz ارقىلى ونلاين جازىلىڭىز.

0
       

پىكىر جازۋ

كىرۋ
*
*



تىركەلۋ
*
*
*
جاڭا قۇپييا سوز