.

ستيۆ راميرەز

ەستەلىكتەرىڭىزدى اقتارا الاتىن نەيروعالىم ستيۆ راميرەز كولەدجدە وقىپ جۇرگەن كەزىندە قىزىقپاعان ساباعى قالمادى. ول پيانينودان باستاپ، استرونوميياعا دەيىن ساباقتىڭ تۇگەلىن جاقسى كوردى. بۇل ونىڭ تاڭداۋ جاساۋ مۇمكىندىگىن قيىنداتقانىمەن ول مىناداي «قۋلىققا» بارعان. ستيۆ بۇرىن-سوڭدى قول جەتكىزىلگەن اشىلىستاردىڭ «كىلتى»، ياعني ميدى زەرتتەيتىن بولىپ شەشەدى. ول جادىمىزدىڭ نەيروعىلىمىن زەرتتەيتىن زەرتحانادا جۇرىپ ومىردەگى ار وقيعا ميدا فيزيكالىق ىزدەرىن قالدىراتىنىن انىقتاعان. مۇنى ەستەلىك دەپ اتايمىز جانە ونى تەكسەرىپ كورۋگە، تىپتى وزگەرتۋگە دە بولادى. «بۇل وي ماعان مازا بەرمەدى»، – دەيدى ول.

قازىر راميرەزدىڭ بوستون ۋنيۆەرسيتەتىندە وز زەرتحاناسى بار جانە ول جاعىمدى ەستەلىكتەردى جۇيەلەۋ ارقىلى جاعىمسىزىن جاسىرىپ قويۋ امالىن يگەرىپ العان. ول وز توبىمەن بىرگە تىشقان ميىنداعى ەستەلىككە جاۋاپتى جاسۋشالارعا جىبەرىلگەن ماردىمسىز ەلەكتر توعى ارقىلى جاقسى-جامان ەستەلىكتەردىڭ ساقتاۋلى ورنىن انىقتاي الادى. وسى جاسۋشالاردى دەاكتيۆاتسييالاۋ ارقىلى ول جاعىمسىز ەستەلىكتەردى وشىرىپ، جاقسى ەستەلىكتى، ايتالىق، قورەگى كوپ، قارنى توق ساتتەرىن قالدىرۋعا مۇمكىندىك بەرەدى.

راميرەز ادامداردىڭ ەستەلىكتەرىنە مانيپۋلياتسييا جاساۋ ۇشىن «گەنەتيكالىق قۋلىقتىڭ» وسى تۇرىن پايدالانۋدى ەمەس، تۇرلى سەبەپتەن تۋىنداعان كوڭىل كۇي كۇيزەلىسى، اشۋ-ىزا، دەپرەسسييا تارىزدى جاعدايلاردى ەمدەۋدىڭ جاڭا جولىن ۇسىنادى.

اۆتور: رەيچەل حارتيگان شي، فوتو: رەبەككا حەيل


ماقالانىڭ تولىق نۇسقاسى مەن الەمدىك زەرتتەۋلەردىڭ قاينار كوزىنە قول جەتكىزگىڭىز كەلسە،
shopnationalgeographic.kz ارقىلى ونلاين جازىلىڭىز.

0
       

پىكىر جازۋ

كىرۋ
*
*



تىركەلۋ
*
*
*
جاڭا قۇپييا سوز