.

ايت سىرىڭدى، اق قايىڭ!

_YSH0310 1

مىڭ بۇرالا مايىسقان اق قايىڭدار تالاي اقىن-جازۋشىلاردىڭ شىعارمالارىنا ارقاۋ بولعانى سوزسىز. سەبەبى اق قايىڭ اسەمدىك پەن نازىكتىكتىڭ، سۇلۋلىق پەن تاككاپپارلىقتىڭ سيمۆولى ىسپەتتى. ودان بولەك اق قايىڭنىڭ ادام بالاسىنا تيگىزەر اسەرى، ەستەتيكالىق لاززاتى ۇشان – تەڭىز.

جالپى اق قايىڭنىڭ سىرتقى قابىعى تولىقتاي اق، اقشىل قىزىل جانە قارا-الا تۇستى بولىپ بولىنەدى. جانە ول اعاش ورتا ەسەپپەن 150-300 جىلعا دەيىن ومىر سۇرسە، ال بيىكتىگى 25-30 مەترگە دەيىن جەتەدى.

نەگىزىنەن سولتۇستىك جارتى شاردىڭ قوڭىرجاي، سالقىن بولىكتەرىندە وسەدى. جەر بەتىندە قايىڭنىڭ 6 تۋىسى، 200-گە جۋىق تۇرى كەزدەسسە، قازاق جەرىندە ونىڭ 17 تۇرى كەڭ تاراعان.

قايىڭنىڭ سولى – ادام دەنساۋلىعىنا اسا پايدالى سۋسىن بولىپ سانالادى. ونىڭ دامدىلىگىن بىلاي قويعاندا، ارتۇرلى اۋرۋلارعا قارسى شيپالىق قاسيەتى جانە بار.

فوتو: ەربولات شادراحوۆ

       

پىكىر جازۋ