.

ويناقتاعان وت باسار

1940 جىل. ىى دۇنيەجۇزىلىك سوعىس كەزىندەگى بۇل پلاكاتتاردا جىنىستىق اۋرۋلاردى تاراتۋشى رۋحاني ازعىنداعان ايەلدەر بەينەلەنگەن. سۋرەت جاۋىنگەرلەرگە ەسكەرتۋ رەتىندە سالىنعان.

1660 جىلدارى انگليياعا تاراعان وبادان 100 مىڭنان استام لوندوندىق كوز جۇمدى. اۋرۋدان ساقتانۋ ماقساتىندا قۇربانداردىڭ ەسىگىنە «وبا بەلگىسىن» قويىپ: «قۇداي بىزدى كەشىرسىن»، – دەپ جازىپ كەتەتىن بولعان.

سودان بەرى قوعام دەنساۋلىعىنا نازار كۇشەيە بەردى. «گرافيكالىق ديزاين ومىرىڭىزدى ساقتاي الا ما؟» اتتى كىتابىندا ليۋسەن روبەرتس پەن رەبەككا رايت قوعامدىق  دەنساۋلىق ناسيحاتى قالاي جۇرگەنىن ساراپتايدى. روبەرتستىڭ ايتۋىنشا، حىح عاسىر­دا باق، مەديتسينا عىلىمى جانە گرافيكالىق ديزاين قاۋىپتى كەسەل جونىندە ادامدارعا اقپار بەرۋدە بەلسەندى بولدى. اقش-تا تۋبەركۋلەز دەرتىنەن ساقتانۋعا ۇندەيتىن بىر عانا پلاكات العاشقى اۋقىمدى سانيتارلىق-اعارتۋ ناۋقانىنا «شابىت» بەردى. ناتيجەسىندە، 1900-1940 جىلدار ارالىعىندا ولىم-جىتىم سانى ۇزدىكسىز تومەندەپ وتىرىپتى.

1991 جىل. كوپتەگەن ايتۆ جانە جيتس پلاكاتىنداعى سۋرەتتەردىڭ سالماعى باسىم. كەسەلدى قالاي جۇقتىرماۋعا بولاتىنىن ۇيرەتە وتىرىپ، بويداعى ۇرەي مەن قوعامدىق ايىپتاۋدى باسۋعا تىرىسادى.

دۇنيەجۇزىلىك سوعىستار كەزىندە دە جىنىستىق جولمەن تارايتىن اۋرۋلارعا قارسى ناۋقاندار بولدى. ماسەلەن، ى دۇنيەجۇزىلىك سوعىسى كەزىندەگى پلاكاتتار جاۋىنگەرلەردى ازعىنداماۋعا شاقىرسا، ىى دۇنيەجۇزىلىك سوعىسى كەزىندە سوزدەر ناقتىلانا تۇستى: «ەگەر ۆەنەرولوگييالىق كەسەلگە شالدىقساڭىز، بەرلين مەن ريمدى جەڭە المايسىز!». امەريكانىڭ بىر پلاكاتىندا وسىنداي ويلاندىراتىن تىركەس جازىلدى. ال 1980 جىلداردان باستاپ پلاكاتتار مۇشەقاپ قولدانۋدى ناسيحاتتادى.

روبەرتستىڭ ايتۋىنشا، قوعام دەنساۋلىعى مەن ديزاين اراسىندا تىكەلەي بايلانىس بار. ۇلىبريتانييا­نىڭ بىرقاتار اۋرۋحانالارى جەدەل جاردەم بولمەلەرىن ادامداردىڭ اقپاراتتى قابىلداۋ قاسيەتىن ەسكەرە وتىرىپ جابدىقتاعان. ناتيجەسىندە، ەمحانا بولمەلەرىندەگى اۋىر جاعداي 50 پايىزعا قىسقارىپتى.

2017 جىل. «Zika + honeymoon» دەپ ىزدەسەڭىز Google جۇز مىڭداعان اقپارات تابادى. بولاشاقتا نەكە جۇزىگىمەن تاعدىر قوسقىسى كەلەتىندەر دۇرىس جانە جان-جاقتى جىنىستىق مالىمەت الۋ ۇشىن اريزونا دەنساۋلىق ساقتاۋ دەپارتامەنتىنىڭ سايتىنا تۇراقتى تۇردە كىرىپ تۇرادى.

فوتو: ۇلتتىق مەديتسينا كىتاپحاناسى; اقش دەنساۋلىق جانە الەۋمەتتىك قىزمەت دەپارتامەنتى; اريزونا دەنساۋلىق ساقتاۋ دەپارتامەنتى

اۆتورى: ناتاشا دەيلي


ماقالانىڭ تولىق نۇسقاسى مەن الەمدىك زەرتتەۋلەردىڭ قاينار كوزىنە قول جەتكىزگىڭىز كەلسە، shopnationalgeographic.kz ارقىلى ونلاين جازىلىڭىز.

       

پىكىر جازۋ