.

استانادا «ۇلى دالا كيەسى» فوتوكورمەسى اشىلدى

استاناداعى «MEGA Silk Way» ويىن-ساۋىق ورتالىعىندا «كاسپيي قۇبىر كونسورتسيۋمى» جانە «National Geographic Qazaqstan» جۋرنالىنىڭ بىرلەسە ۇيىمداستىرۋىمەن «ۇلى دالا كيەسى» اتتى فوتوكورمە اشىلدى.

شارانىڭ اشىلۋ راسىمىنە قر پارلامەنتى ماجىلىسى توراعاسىنىڭ ورىنباسارى ۆلاديمير بوجكو، سەنات دەپۋتاتى، الەۋمەتتىك-مادەني دامۋ جانە عىلىم كوميتەتىنىڭ تورايىمى بىرعانىم ايتىموۆا، ماجىلىس دەپۋتاتى زاعيپا باليەۆا جانە «كاسپيي قۇبىر كونسورتسيۋمى» اق باس ديرەكتورىنىڭ ورىنباسارى قايىرگەلدى قابىلدين قاتىستى.

كورمەنىڭ نەگىزگى ماقساتى – كوپشىلىك اراسىندا ەكولوگييالىق مادەنيەتتى قالىپتاستىرۋ، دالانىڭ اڭ-قۇستارى، ونىڭ ىشىندە قازاققا ەتەنە جاقىن كيىكتەر تۋرالى تۇرعىنداردىڭ تانىم كوكجيەگىن كەڭەيتۋگە جانە قورشاعان ورتانى قورعاۋ پروبلەمالارىنا قوعامنىڭ نازارىن اۋدارتۋ.

قازاققا ەتەنە جاقىن وسى جانۋاردى قورعاۋ جانە ساقتاپ قالۋ ىسىندە «كاسپيي قۇبىر كونسورتسيۋمى» (كقق) قوسقان ۇلەسى زور. بۇل كومپانييا بوكەندەردى عارىشتان باقىلاۋعا مۇمكىندىك بەرەتىن 30 دانا قارعىباۋ ساتىپ الۋعا 2016 جىلى 21 ميلليون تەڭگە بولسە، وتكەن جىلدىڭ وزىندە تەك زەرتتەۋ جۇمىستارىنا 27 ميلليون تەڭگە قاراستىرعان. ودان بولەك كقق قازاقستان وز تاۋەلسىزدىگىن العالى بەرى ەل اۋماعىندا قۇنى 8 ميلليارد تەڭگەگە جۇزدەن اسا الەۋمەتتىك جوبانى قارجىلاندىرعان.

تاس داۋىرىندە باتىس ەۋروپاعا دەيىن تىرشىلىك ەتكەن سول جانۋار وسى كۇنى موڭعولييا، قالماق دالاسى مەن قازاقستاندا عانا ساقتالىپ قالعان. ولاردىڭ 90 پايىزى قازاق جەرىندە مەكەندەيدى. كيىكتەردىڭ تاعى بىر ەرەكشەلىگى – ەشقاشان جەتىم قالعان لاقتارىن دالاعا تاستامايدى. ال كەز كەلگەن كيىك جولىنان ماڭىراپ شىققان قۇرالايدى كەزدەستىرە قالسا، جانىنا بارىپ ەمىزىپ، وزىمەن ەرتىپ كەتەدى.

شارا بارىسىندا كيىكتەر تۋرالى بەينەروليك پەن ساتتى تۇسىرىلگەن فوتوسۋرەتتەر جيىنتىعى كورسەتىلىپ، كونتسەرتتىك باعدارلاما ۇيىمداستىرىلدى.

 

كورمە 20 كۇنگە سوزىلادى.

0

Publication author

offline 5 كۇن

ايبەك

0
Comments: 3Publics: 710Registration: 01-10-2016
       

پىكىر جازۋ

كىرۋ
*
*
تىركەلۋ
*
*
*
*
Password generation